Isikiyɛli 47:18 - ALLALA KUMƐ

¹⁸ “Kan-tinɛ do rɔ Damasika soe anubɛ Hɔran sigisɔn tɛma, dan min bi tele-bɔɛ wara la, wo le yigira a ma ka na a labila Yorodan bɛ ma. Isirɛla nyamanɛ ye bɛ tele-yigi wara la le. Kaliyadi nyamanɛ fanan bi bɛ tele-bɔɛ wara la ha ka ke Tama soe ma Dalɛ Faganɛ kɔma.

Isikiyɛli 47:18 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 13:11

Woletɔ Lɔti ya Yorodan-ba-lɛɛ waralɛ wo bi a nyɛrɛ ye. Anubɛ Burama bɔra anu nyɔgɔn fɛ. Lɔti anubɛ ala kolo-fannu tara tele-bɔɛ wara la.

Ko-Dabirɛnu 31:23

Leban anubɛ a na-kelen-nyɔgɛnu ya Yakoba sagaran. Tele wɔrɔnfila anu bi kilɛ la. Anu kera a rɔ kɔnkɛ do kuma Kaliyadi nyamanɛ rɔ.

Ko-Dabirɛnu 31:47

Leban anubɛ Yakoba sɔnta ka kuru-ladɛnnɛ wo tɔgɔ sa “Sereya Kuru-Ladɛnnɛ.”

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

Yobu 40:23

Hali bɛ tenbi yanbɛ gbesila, a ti kilan wo la. Hali a yigira Yorodan ba-fanɛ rɔ, wo ni a bira a dɛ ma, wo bɔrɔ sa a ye.

Yɛrɛmaya 50:19

A ko a si Isirɛla mɔgɛnu nasɛgi anu halala-nyamanɛ rɔ. Dɔn-fan min bi bɔla Kamɛli kɔnkɛ kuma wo, anubɛ min bi bɔla Basan nyamanɛ rɔ wo, a ko anu si to wonu dɔnna. Ifɛrɛm bɔnsɔn nyamanɛ dɔn-fan wo, Kaliyadi bɔnsɔn nyamanɛ dɔn-fan wo, anu ni to fala wonu na.

Isikiyɛli 47:16

Wo kɔma, wo le ye tala a labilala Bɛrotati soe anubɛ Sibarayim soe ma. (Soe wonu bi Damasika anubɛ Hamati nyamanɛnu tɛma le.) Wo kɔma, dan wo le kunyɛ tara a labɔ Tikɔn soe ma min bi Hɔran sigisɔn dan la.

Yowɛli 2:20

Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Yilan-Yilan Koe 32:1

Ninki siyaman bi Rubɛn bɔnsɔn anubɛ Kadi bɔnsɔn bolo. Anu ya a yen ko Yasa anubɛ Kaliyadi duginu kin, ado bin siyaman bi nyɔ anuna kolo-fannu si min dɔn.

Yilan-Yilan Koe 34:10

“Tele-bɔɛ-waralɛ-dan fɔlɔtɛ ya a dabira Hasar-Inan soe ma

Kɛlɛ-Kurugbɛnu 10:8

Isirɛla mɔgɛ minnu siginɛ Amoranu tɛma Yorodan bɛ tele-bɔɛ wara la Kilayadi nyamanɛ rɔ, Filisitinu anubɛ Amonnu bi anu yakɔrɔ-mamɔla san tan-ni-segin kɔrɔ.