Isikiyɛli 47:16 - ALLALA KUMƐ

¹⁶ Wo kɔma, wo le ye tala a labilala Bɛrotati soe anubɛ Sibarayim soe ma. (Soe wonu bi Damasika anubɛ Hamati nyamanɛnu tɛma le.) Wo kɔma, dan wo le kunyɛ tara a labɔ Tikɔn soe ma min bi Hɔran sigisɔn dan la.

Isikiyɛli 47:16 ပူးပေါင်းရင်းမြစ်များ

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

2 Samuwɛli 8:8

Wo kɔma, Bɛta soe anubɛ Bɛrotati soe minnu bi Mansa Hadadisa kɔrɔ, Mansa Dawuda ya sila siyaman bi wonu bolo.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

1 Ko-Kɔrɔta-Karan 18:5

Siriya minnu siginɛ Damasika soe burɔ, wonu ya a lamɔɛn nkɛkuna ko Mansa Dawuda ara ta bui Soba soe ma, wonu ya anuna kɛlɛ-dannu nata Mansa Hadadisa dɛnbɛn tinɛ. Wonu fanan ke nyɔ, Mansa Dawuda ya mɔgɔ waga mogan-ni-fila (22,000) faga wonu tɔ.

Aiseya 10:9

Kalano soe wo, Kakemisi soe wo, Hamati soe wo, Arapadi soe wo, Samariya soe wonubɛ Damasika soe, n bara soe kɛ bɛɛ bira-a-la.

Isikiyɛli 27:18

Anubɛ Damasika kɛnu ya yilayɛ kɛ anu nyɔgɔn tɛma. Anu ya Halibɔn soeta gbɛɛ anubɛ Sahari soe saga-siyi felen Taya kɛnu ma. Anu ya nɛgɛ-da-gbɛlɛ anubɛ kɛnɛ-subolo-siyaman felen Taya kɛnu ma.

Isikiyɛli 47:17

Nyamanɛ-kantɔɛ-dan min ya a dabira Mɛdetereniyan kɔgɔ-yi ma, dan wo tara tele-bɔɛ wara la furr, ha ka ke Hesa-Inan soe ma. Damasika anubɛ Hamati nyamanɛ-dan ye dan kɛ kantɔ-wara la le.

Isikiyɛli 47:18

“Kan-tinɛ do rɔ Damasika soe anubɛ Hɔran sigisɔn tɛma, dan min bi tele-bɔɛ wara la, wo le yigira a ma ka na a labila Yorodan bɛ ma. Isirɛla nyamanɛ ye bɛ tele-yigi wara la le. Kaliyadi nyamanɛ fanan bi bɛ tele-bɔɛ wara la ha ka ke Tama soe ma Dalɛ Faganɛ kɔma.

Isikiyɛli 47:20

“Tele-yigi-warala-dan mara Mɛdetereniyan kɔgɔ-yi la. A tele-yigi-dan min bi kantɔ-wara la, wo ye Hamati kɔnkɔ-gbɛran tele-yigi wara la le.

Isikiyɛli 48:1

Mari ya a fɔ tun ko, “Nyamanɛ-kantɔ-waralɛ-dan ye a dabirala Mɛdetereniyan kɔgɔ-yi ma ka ta tele-bɔɛ wara la furr, ha Hɛtilɔn soe ka tenbi Hamati kɔnkɔ-gbɛran la. A si bɔ nyɔ ka ta Hesa-Inan soe ha ka ta ke kan-tinɛ do ma min bi Damasika anubɛ Hamati nyamanɛnu tɛma. Sibole bɛɛ ni ata dugi sɔrɔn ka a bi tele-bɔɛ waralɛ-dan ma ka a sigi Mɛdetereniyan kɔgɔ-yi la. Ka a bi a kantɔɛ ma ka yigi, Dan bɔnsɔn fɔlɔn ni atɛ sɔrɔn, wo kɔma, Asɛra bɔnsɔn. Asɛra bɔnsɔn tatugunnɛ le Nafatali bɔnsɔn la. Nafatali bɔnsɔn tatugunnɛ le Manasa bɔnsɔn la. Manasa bɔnsɔn tatugunnɛ le Ifɛrɛm bɔnsɔn la. Ifɛrɛm bɔnsɔn tatugunnɛ le Rubɛn bɔnsɔn la. Rubɛn bɔnsɔn tatugunnɛ le Yuda bɔnsɔn la.

Emɔsi 6:14

“Mari Sɛnbɛ-Bɛɛ-Tigi nyɛrɛ-nyɛrɛ le ya kɛ fɔ ko a si kɛlɛ-dan donu nabɔ nyamani-gbɛrɛ rɔ ka na bui wole, Isirɛla mɔgɛnu ma ka wola nyamanɛ bi wo bolo. Anu si bɔ wo birala Lɛbanan kɔnkɛnu kɔrɔ ha ka ta ke Kɔgɔ-Dalɛ dan ma. Anu si wo damasi bira tɛrr!”

Sakaraya 9:2

hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.