Isikiyɛli 47:13 - ALLALA KUMƐ

¹³ Ma Tigi Mari ko, “Dugi min bi talala wole Isirɛla bɔnsɔn tan-ni-filɛ tɛma, wo dan le kɛnu na, ado Yusufu bɔnsɔn ye kan-tina fila le sɔrɔnna nyamanɛ kɛ rɔ.

Isikiyɛli 47:13 ပူးပေါင်းရင်းမြစ်များ

Ko-Dabirɛnu 48:5

Yakoba ya a fɔ Yusufu ye tun ko, “Ila den filɛ Ifɛrɛm anubɛ Manasa i wara minnu sɔrɔn Iyipiti nyamanɛ rɔ kɛ la, ntɛ le wonu na iko ntɛ le i kɔrɔ Rubɛn anubɛ i kɔrɔ Simiyɔn na nya min.

Ko-Dabirɛnu 49:26

N bara duwɛ minnu kɛ ile Yusufu ye kɛ la, wo kolo ndeta duwɛ ko i benbanu ya min kɛ nde ye. Iko kɔnkɔ-wɛnu bara mɛ dugu-kole kɛ kuma nya min, ileta duwɛ si mɛ wo nya na le. Ile Yusufu min bi i na-kelen-nyɔgɛnu kun na kɛ la, alamɛ duwɛ kɛnu birara ile ma.

1 Ko-Kɔrɔta-Karan 5:1

Yakobala sarɛ tɔgɛ le Rubɛn. (A ya a sa a na-dɔgɔma do fɛ min kɛ, wo le ya a ma, den-kei-sarɛta sɔ tinɛ, ale Rubɛn foora wo la. Den-kei-sarɛta sɔ tinɛ wo tora Yusufu ye.

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Isikiyɛli 48:1

Mari ya a fɔ tun ko, “Nyamanɛ-kantɔ-waralɛ-dan ye a dabirala Mɛdetereniyan kɔgɔ-yi ma ka ta tele-bɔɛ wara la furr, ha Hɛtilɔn soe ka tenbi Hamati kɔnkɔ-gbɛran la. A si bɔ nyɔ ka ta Hesa-Inan soe ha ka ta ke kan-tinɛ do ma min bi Damasika anubɛ Hamati nyamanɛnu tɛma. Sibole bɛɛ ni ata dugi sɔrɔn ka a bi tele-bɔɛ waralɛ-dan ma ka a sigi Mɛdetereniyan kɔgɔ-yi la. Ka a bi a kantɔɛ ma ka yigi, Dan bɔnsɔn fɔlɔn ni atɛ sɔrɔn, wo kɔma, Asɛra bɔnsɔn. Asɛra bɔnsɔn tatugunnɛ le Nafatali bɔnsɔn la. Nafatali bɔnsɔn tatugunnɛ le Manasa bɔnsɔn la. Manasa bɔnsɔn tatugunnɛ le Ifɛrɛm bɔnsɔn la. Ifɛrɛm bɔnsɔn tatugunnɛ le Rubɛn bɔnsɔn la. Rubɛn bɔnsɔn tatugunnɛ le Yuda bɔnsɔn la.

Isikiyɛli 48:29

Ma Tigi Mari ko dugi kɛ tala-nya le kɛ la Isirɛla bɔnsɔnnu na.

Yilan-Yilan Koe 34:1

Mari ya kuman-kan kɛ don Musa da rɔ ka a fɔ Isirɛla mɔgɛnu ye ko, “N bi nala Kenan nyamanɛ min dila wo ma, wo dan denu bi kɛnu na.

Yasowa 16:4

Nyamanɛ kɛ tora Yusufula dannu Ifɛrɛm anubɛ Manasa bɔnsɔn-mɔgɛnu ye, Manasa bɔnsɔn-mɔgɛ minnu bi Yorodan bɛ tele-yigi wara la, kɔni.

Yasowa 17:1

Manasala den-kei-sarɛ Makiri ya dan do sɔrɔn min tɔgɛ Kaliyadi. Makiri wola kebilɛ ya Kaliyadi anubɛ Basan nyamanɛ sɔrɔn Yorodan bɛ kɔma tele-bɔɛ wara la bawo kɛlɛ-kurugbɛ le ale la nun.