Isikiyɛli 47:12 - ALLALA KUMƐ

¹² Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Isikiyɛli 47:12 ပူးပေါင်းရင်းမြစ်များ

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Yobu 8:16

Karagbɛlɛnu si ma iko lofolafɛ min bi fɛrɛnna tele kɔrɔ ka to a matiila ki-fannu kɔrɔ nakɔɛ rɔ.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 17:8

Mɔgɛ wo ra si gbɛlɛya gbon, iko yi-dafɛ-kɔlɔma. Kɔlɔma wo sulinu si yigi saru, ado a si yi sɔrɔn duk! Hali tele fafara a ma nya-wo-nya, wo ti kilan. A nɔrɔnni de tuma-wo-tuma. Hali san tenbira a kun na fɛlɛlɛ, banda ma na, wo ti a tɔrɔ. A gbɔɛ ye a la wati bɛɛ.

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Isikiyɛli 47:7

N ke nyɔ, n ya kɔlɔma-siyaman taran bɛ wo tɔnkɔn filɛ rɔ.

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.