Isikiyɛli 47:11 - ALLALA KUMƐ

¹¹ Dala kuma-kinɔgɔnɛ anubɛ yi-nɛ minnu bi ale Dalɛ Faganɛ dafɛ, anu si to kɔgɔ-yiyɛ la. Nyɔ si to mala mɔgɛnuna kɔgɔ bi tinɛ la.

Isikiyɛli 47:11 ပူးပေါင်းရင်းမြစ်များ

Yɛrɛmaya 17:6

Mɔgɛ wo mani de iko fan min kinɛ dugu-ragbalanɛ rɔ, ado a ye kan min, mɔgɛ ti ke sigila nyɔ. Nyɔ kaliyanɛ kodokodo, ado dugu-karakasɛ le. Alla ye ko-nyimɛ minnu niyi la, ale ti wo nya-yen.

Isikiyɛli 47:12

Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:11

Mɔgɔ-yogenu si to ko-yogomɛ kɛla dɛɛ! Mɔgɔ-kɔsɔnɛnu si to ko-kɔsɔnɛ kɛla dɛɛ! Sɔn-nyima-tiginu si to sɔn-nyimaya-koenu kɛla dɛɛ! Min sɛninyanɛ, wonu si to sɛninyɛ rɔ dɛɛ!”

Kɛlɛ-Kurugbɛnu 9:45

Anu telenta kɛlɛla gbɛn! Anu ya mɔgɛ bɛɛ faga ka anuna soe tinya. Wo kɔma, anu ya kɔgɛ fui nyɔ-dugi rɔ.