Isikiyɛli 47:10 - ALLALA KUMƐ

¹⁰ Ka a bi Ɛngidi tenke ma, ha ka ta sigi Ɛnɛgilayim tenke la, nyɔ ra ti kolonya yɛgɛ-biralɛnu na. Anu si anuta yalɛnu tagbala nyɔ. Yɛgɛ-subolo-siyamɛ minnu bi Mɛdetereniyan kɔgɔ-yi rɔ, wonu subole bɛɛ si taran Dalɛ Faganɛ rɔ fanan.

Isikiyɛli 47:10 ပူးပေါင်းရင်းမြစ်များ

Ko-Dabirɛnu 14:7

Anu sɛgira anu kɔma kilɛ la ka ta ke Kɛdɛsi soe ma (min tɔgɛ fanan Emisipati), ka Amalɛkinu kɛlɛ ka anuna nyamanɛ bi anu bolo. Anu ya Amoranu kɛlɛ fanan minnu siginɛ Hasason-tama soe burɔ.

2 Ko-Kɔrɔta-Karan 20:2

Kilayɛ donu nara Mansa Yɛhosafati wara ka a fɔ a ye ko, “Kɛlɛ-den-siyaman bara na ile kɛlɛ tinɛ ka bɔ Dalɛ Faganɛ kɔma. Anu bara ban Hasɛsɔn-Tema soe birala-a-la.” (Soe wo tɔgɛ do le Ɛngidi.)

Yaburi 104:25

Kɔgɔ-yi-kɔnɛ kolo, ado a rayan. Dan sa kɔgɔ-yirɔ-nima-fannu ma, a dɔgɔma wo, a kinama wo.

Aiseya 19:8

Minnu bara anu to yɛgɛ-birɛ ma Nayɛli bɛ rɔ nyɔ, wonu si kurun ka di. Anuna yalɛnu anubɛ anuna lunyɛnu ti ko-wo-ko nyinya anu ma tun.

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Aiseya 49:20

Ile Yerusalɛm, ila mɔgɛnu minnu sɔrɔnta biralɛ rɔ, lunyɛ do, wonu si na a fɔ ko, “Kan tinɛ kɛ dɔgɔ mala ko la. Fɔ ni ma ya a makofu.”

Isikiyɛli 26:14

N si nyɔ ma iko fara-gbaran-makolɔn, yɛgɛ-fagalɛnu ni to anuna yalɛnu tagbalala kan min. Mɔgɔ-wo-mɔgɔ ti ke soe wo sɔla a kurɛ la tun. Nde, wo tigi Mari kan le kɛ la.

Isikiyɛli 26:5

Yɛgɛ-fagalɛnu si anuta yalɛnu tagbala farɛ wo ma kɔgɔ-yi dafɛ. Nde, wo Tigi Mari kan le kɛ la. Sibolo-gbɛrɛnu si na bui Taya kɛnu ma ka anu bolo-fan bɛɛ toronde anu na.

Isikiyɛli 47:15

“Nyamanɛ-kantɔɛ-dan si a fɔlɔ Mɛdetereniyan kɔgɔ-yi ma ka ta tele-bɔɛ wara la ka a sigi Hɛtilɔn soe la ka tenbi Hamati kɔnkɔ-gbɛran rɔ ha ka ke Sidadi soe ma.

Isikiyɛli 47:19

“Dugula-dan ya a dabira Tama soe ma ka ta tele-yigi wara la ha ka a sigi Sɔnkɔ-sɔnkɔ tenke la min bi Kɛdɛsi-Mɛriba soe dala. Wo kɔma, a bilara Iyipiti dan fɛ yɛlɛla ha ka ta sigi Mɛdetereniyan kɔgɔ-yi ma.

Isikiyɛli 48:28

“Kadi bɔnsɔn dugula-dan-dabirɛ le Tama soe la. Dan wo le tara furr, ha Sɔnkɔ-Sɔnkɔ-Tenke min bi Kɛdɛsi soe dala. Wo kɔma, wo le bilara Iyipiti kɛnuna dan fɛ ka ta ke Mɛdetereniyan kɔgɔ-yi ma.”

Yilan-Yilan Koe 34:6

Wola nyamani-dan si ma Mɛdetereniyan kɔgɔ-yi la tele-yigi wara la.

Matiyu 4:19

Yisa ya a fɔ anu ye ko, “Wo ni bila n fɛ. N si wo madegen mɔgɔ-nyini-nya la Alla ye iko mɔgɛ si yɛgɛnu nyini nya min ka anu bira.”

Maraka 1:17

Yisa ya a fɔ anu ye ko, “Wo na bila n fɛ. N si wo madegen mɔgɔ-nyini-nya la Alla ye iko mɔgɛ si yɛgɛnu nyini nya min ka anu bira.”

Yasowa 15:62

Nibisan (Kɔgɔ Soe), anubɛ Ɛngidi, wonu bi wulɛ rɔ. So wɔrɔ le wo la, anu dafɛ-so-nɛnu bɔnɛ a la.

Yasowa 23:4

Ma ya ma yoge min kɛlɛ wo, ma ma min kɛlɛ bɛ wo, n bara wo bɛɛsi ratala wo tɛma ka a dabira Yorodan bɛ ma tele-bɔɛ ha ka ke kɔgɔ-yi ma tele-yigi wara la.

1 Samuwɛli 23:29

Dawuda anubɛ ala keminɛnu bɔra nyɔ ka ta anu dogon Ɛngidi faran do la.

1 Samuwɛli 24:1

Mansa Sɔli bɔɛ Filisitinu gben tinɛ, mɔgɛ do ya a fɔ a ye ko Dawuda dogonnɛ Ɛngidi wulɛ rɔ.