Isikiyɛli 47:1 - ALLALA KUMƐ

¹ Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Isikiyɛli 47:1 ပူးပေါင်းရင်းမြစ်များ

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Yaburi 87:7

Anu si anu dɔn ka sigi sa ko, “Mala duwa-kuru-bi tinɛ le Yerusalɛm na.”

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 30:25

Wo wa wo yogenuna kan-tina-latankanɛ wonu bira ka wo yogenu faga, wo kɔma, tenkenu si tugu-a-rɔ kɔnkɔ-wɛnu tɔ belenna.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Isikiyɛli 40:6

A tara tele-bɔɛ tenbi-bolɔn wara la. A yɛlɛta yɛlɛdɛ ma. A ke yɛlɛdɛ laban ma, a ya dandan-kɔrɛ kɔnɛ suman. Dandan-kɔrɛ wo kɔnɛ bɛnta kɔlɔma wo nya kelen de ma.

Isikiyɛli 46:24

Kei wo ya a fɔ n ye ko, “Bato-Bɔn yalamayɛ-kɛ-tinɛ le kɛnu na, Bato-Bɔnna wɔli-kɛlɛnu si mɔgɛnuna sarakɛnu te kan min anuta niyi, kɔni.”

Isikiyɛli 47:12

Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Isikiyɛli 47:2

Wo kɔma, kei wo bɔra n na kantɔ-tenbi-bolɔn la. A tara n na fɔɔ tenbi-bolɔn min bi tele-bɔɛ wara la. N ya yi-nɛ yen yigila ka bɔ tenbi-bolɔn wo dugula wara la.

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Sakaraya 14:4

Wo wati rɔ, a si sɔ Ɔlifi kɔnkɛ kuma Yerusalɛm tele-bɔɛ wara la. Kɔnkɛ wo si bɔ tiila tele-bɔɛ wara la ha tele-yigi. A tɔnkɔn kelan si ta kantɔ-wara la, a tɔnkɔn doi ni ta dugula wara la.

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.