Isikiyɛli 46:2 - ALLALA KUMƐ

² Mansɛ si ta kata burɔ ka ta a sɔ luyima-tenbi-bolɔn dandan-kɔrɔ sɛnbɛrɛn-kɔn fɛ. Saraka-masɔlɛnu tenbi saraka-mintantɛnu anubɛ yisi-kima-saraka-bɔɛ kun na, a sɔnɛ nyɔ. Ale ye batoli kɛla don-dɛ la nyɔ le, yanni a ni bɔ. Anu ti don-dɛ wo latogon fɔɔ wurɛ la.

Isikiyɛli 46:2 ပူးပေါင်းရင်းမြစ်များ

1 Ko-Kɔrɔta-Karan 17:16

Mansa Dawuda tara Marita Fani-Bɔn la. A ya a mayigi dugi ma nyɔ Mari yala ka a madiya ko, “E, Mari Alla, i wara ko-nyimɛ min bɛɛ kɛ nde ye, a ma bɛn, malebɛ nna denbayɛ ni wo sɔrɔn.

1 Ko-Kɔrɔta-Karan 9:18

Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 29:29

Wo kɔma, Mansa Hɛsakaya anubɛ ala mɔgɛnu ya anu nyɛnkin Alla bato tinɛ.

2 Ko-Kɔrɔta-Karan 34:31

A ban, ale mansɛ wo sɔra mansa-sɔ-tina-kɔrɛ Bato-Bɔn sɛnbɛrɛn-kɔn fɛ ka sarama-kan kiri anubɛ Mari tɛma. A ko a si ala tɔn wonu natɔnbagaya a yisi bɛɛ la. Anu sarata min na, a ko a si sereya mumɛ bɛɛsi bira iko a sɛbɛnɛ Marita buku wo rɔ nya min.

2 Ko-Kɔrɔta-Karan 6:13

(Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

Isikiyɛli 40:19

Kei wo ya kata-burɛ suman ka a bi kata-tenbi-bolɔn ma ka a sigi Bato-Bɔn luyima-tenbi-bolɔn la. Wo bɛnta nunkan-nya kɛmɛ ma. A kantɔtɛ fanan bi wo nya na le.

Isikiyɛli 40:39

Tebulu nani de bon-nɛ wo la. A tɔnkɔn kɛ fila, a tɔnkɔn kɛ fila. Anu si kolo-fen-sarakɛnu faga tebulu kɛnu denu kuma. A mara a saraka-mintanta la wo, a mara a hakɛ-saraka la wo, a mara a yiliki-saraka la wo, anu si wonu faga tebulu wonu denu kuma nyɔ.

Isikiyɛli 44:3

Kɔnɔ dɛ latogonni kɔmɛ, n si mansɛ do sigi anu kun na min si dɔn-fen-sɛnimɛnu dɔn n yala nyɔ. A si don-ni-bɔ kila-kunna-konko la min bi tenbi-bolɔn wo burɔ.”

Isikiyɛli 45:19

Saraka-masɔlɛ si hakɛ-sarakɛ kɛ yele do bi ka a sisa Bato-Bɔn don-dɛ kankan-kiri-kɔnnu ma. Wo kɔma, a si do sisa saraka-mintan-tinɛ wo tonko nanɛ ma. Wo kɔma, a si do sisa Bato-Bon-luyi ma tenbi-bolɔn kankan-kiri-kɔnnu ma.

Isikiyɛli 46:12

“Ni mansɛ ye saraka-mintantɛ anubɛ yisi-kima-sarakɛnu dila Mari ma a hɛnikɛ la, anu si tele-bɔɛ luyima-tenbi-bolɔn laka a ye. A si hɛniki-sarakɛ wonu bɔ iko a ya Sulen-Teletɛ ma nya min. A wa bɔ, anu si tele-bɔɛ don-dɛ wo latogon a kɔma.”

Isikiyɛli 46:8

Mansɛ wo wa wuli bɔla tenbi-bolɔn la, a donta gbere min fɛ, a ye bɔla gbere wo le fɛ.

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Kɔlɔsi 1:28

Woletɔ ma wa ta kan tinɛ min bɛɛ rɔ, ma si Yisa Kirasitita kawandili bɔ mɔgɛ bɛɛ ye nyɔ. Ma ye mɔgɛ bɛɛ lalɔnna ka anu karan a ma ma hɛnkili bɛɛ la alako ma ni mɔgɔ kelen-kelennamɛ-bɛɛ-kanbalinɛ lana Alla ma Kirasiti rɔ.