Isikiyɛli 45:7 - ALLALA KUMƐ

⁷ Ka a bi kan-tina-sɛninyanɛ tele-yigi waralɛ ma ha ka ta a sigi Mɛdetereniyan kɔgɔ-yi la, nyamanɛ wo si to a dan na min si ma mansɛ halalɛ la. Wo kɔma, ka a bi kan-tina-sɛninyanɛ tele-bɔɛ waralɛ ma, ha ka ta a sigi nyamanɛ tele-bɔɛ dan la, wonu si ma mansɛ wo halalɛ la. Nyɔ-lɔngbɔn anubɛ Isirɛla bɔnsɔn-mɔgɛ toenutɛ rakɛn de!

Isikiyɛli 45:7 ပူးပေါင်းရင်းမြစ်များ

Isikiyɛli 34:24

Nde si ma anuta Alla la. Anuna mansɛ wo si taran anu kun na iko nta wɔli-kɛla Dawuda taranta anu kun na nya min. Nde, Mari ara ban wo fɔla.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Isikiyɛli 48:21

“Bato-Bɔn dugi wo, saraka-masɔlɛnuta dugi wo, Lifayi bɔnsɔnnuta dugi wo, soe ye dugi min tɔ wo, wonu bɔnɛ dugu-latankanɛ wo ma, a toe, mansɛtɛ le wo la. Dugi wo ye tala tele-bɔɛ wara la ha ka ke a dan ma. Dugi wo ye tala tele-yigi wara la ha ka a labila Mɛdetereniyan kɔgɔ-yi ma. Yuda bɔnsɔn ye nyɔ-kantɔɛ-waralɛ rɔ. Bɛnyamɛ bɔnsɔn ye nyɔ-dugula-waralɛ rɔ.”

Yasowa 19:49

Anu banta anuta nyamanɛ talala tumɛ min, anu ya Nunna den Yasowatɛ di a ma.