Isikiyɛli 45:5 - ALLALA KUMƐ

⁵ Nyɔ-dugi toe si ma Lifayinutɛ la minnu bi wɔlila Mari ye Bato-Bɔn la a lɔngbɔn mɛli tan, a kɔnɛ mɛli nani. Anuna soenu si taran nyɔ.

Isikiyɛli 45:5 ပူးပေါင်းရင်းမြစ်များ

Isikiyɛli 40:17

Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 48:10

Saraka-masɔlɛnu si anutɛ sɔrɔn dugu-sɛnimɛ kɛ rɔ. Ka a bi tele-yigi waralɛ ma ka ta a sigi tele-bɔɛ waralɛ la, anuna dugi si ma mɛli tan. Ka a bi kantɔ-waralɛ ma ka ta a sigi dugula-waralɛ la, anuna dugi si ma mɛli nani na. Nta Bato-Bɔn ye tola dugi kɛ le tɛma den!

Isikiyɛli 48:13

Wo kɔma, Lifayi bɔnsɔnta dugi si tugun saraka-masɔlɛnutɛ la dugu la. Ka a bi tele-bɔɛ ma ha tele-yigi, wo si mɛli tan bɔ. Ka a bi kantɔ ha dugu la, a si mɛli nani bɔ.

Isikiyɛli 48:20

“Woletɔ dugu-latankanɛ wo si to sigisɔn wo tɛma den! A lɔngbɔn anubɛ a kɔnɛ, mɛli tan, ado Yerusalɛm soe wo ye sigisɔn wo le tɔ.

Saraka-Masɔlɛnuta Tɔnnu 23:42

Mari ko ma si mala bɔnnu boloka ka ta ma sigi lele wonu na tele wɔrɔnfila kɔrɔ. Mari ko ma si kɛnu ma woletɔ mala kegeyɛnu si anu miri mala bɔ-wati ma Iyipiti nyamanɛ rɔ anubɛ mala fani-bɔn kɛnu ma wulɛ rɔ yan bawo ale le mata Mari Alla la min ya ma labɔ yɔɔnyɛ rɔ Iyipiti nyamanɛ rɔ. A tele segin nyɔgɛ ma, ma si ma ladɛn wulɔn fanani ka mata dɔn-fen kɔ-fan di Alla ma tun ka ale bato. Ma kana wɔli-wo-wɔli kɛ.

Yilan-Yilan Koe 35:2

“Isirɛla mɔgɛnu ba ban anuta nyamanɛ sɔrɔnna tumɛ min, anu si so bi-nani ani so fila di Lifayi mɔgɛnu ma. Anu si soe wonuna foolɛ dugi fanan di anu ma alako anuna kolo-fannu ni anu de-nyini-tinɛnu sɔrɔn.