Isikiyɛli 45:12 - ALLALA KUMƐ

¹² “Wo wa fenna gbiliyɛ suman, wo dɔgɔmani mogan gbiliyɛ si bɛn a bɛnmata kelen ma. A bɛnmatɛ gbiliyɛ fanan bi-wɔrɔ si bɛn a kinama kelen ma. A kinamɛ-nya tanta gbiliyɛ anubɛ yi kalɔn kelanla gbiliyɛ rakɛn de!

Isikiyɛli 45:12 ပူးပေါင်းရင်းမြစ်များ

Ko-Dabirɛnu 23:15

“N tigi, i wɔlɔ matɔlɔ nde le la. Nna dugi wo sɔnkɛ le wodi-gbɛ-gbu kɛmɛ nani na. Kɔnɔ hali wo, n ya a di i ma le. A da ma wo la. Ta ila furi togon nyɔ.”

Bɔ-Koe-Iyipiti 30:13

Wo ye minnu mala wo niyi-kunka-fan la, wo le kɛnu na. Wo ni wodi-gbɛ wo mɔlɔn tɛgɛ a kilɛ fɛ iko a di nde, Mari ye nya min. Mɔgɛ bɛɛ ni wodi-gbɛ kɛ bɔ minna gbiliyɛ manɛ iko wodi-mɛlɛn kelan.

Bɔ-Koe-Iyipiti 30:14

Ka a bi minnu sɔrɔn ara san mogan bɔ ha ka yɛlɛ, wo bɛɛsi ni anu niyi-kunka-fan kɛ labɔ.

Isikiyɛli 4:10

Tele-wo-tele, i ni dɛgɛ-munke wo yi-lafɛ-nya kelen bi ka a ma biredi la i nyɛrɛ ye. I ye telenna wo le ma, i ye kila wo le ma, fɔ wo banda kɛ.

Isikiyɛli 45:13

“A bɛnta, mɔgɛ ni to min dila ala mansɛ ma, wo suman-nya le kɛ la. Fui-fan bɔrɔ-kelen wo bɔrɔ-kelen, a ni pani-kunbɛ-nya kelen bɔ a la. A wa ala tuli suman kunan rɔ, a nya-kɛmɛ wo nya-kɛmɛ, a ni kelen bɔ a la ka a di mansɛ ma. A suman kunan-nɛ nya tan de bɛnnɛ kunan-ba kelen ma. Saga-kɛmɛ-fila wo saga-kɛmɛ-fila, a ni kelen bɔ a la ka a di mansɛ ma ka bɔ Isirɛla nyamanɛla kolo-fannu de-nyini-tinɛnu tɔ. “Kɛnu si ma kɔ-fan la, a fui-fen-saraka wo, a saraka-mintanta wo, anubɛ a yisi-kima-sarakɛ la. Mɔgɛnu si wonu bɔ alako anu hakɛnu ma si koto nya min. Nde, Isirɛla Tigi Mari kan le kɛ la.”

Saraka-Masɔlɛnuta Tɔnnu 27:25

“Saraka-masɔlɛ ye kɛ damasi dɛ fɔla nya min, a ye tola a gbɛ wo le tɔ yiri!