Isikiyɛli 44:5 - ALLALA KUMƐ

⁵ Mari ya a fɔ n ye ko, “Ile hadama-dan, i ye min tayenna i yɛ la wo, i ye min namɔɛnna i tole la wo, i hɛnkili ni to wonu ko. N bi Bato-Bon-tɔnnu bara-koe fɔla i ye. Mɔgɛ minnu ni don wo, a ma bɛn minnu ni don wo, a bɛnnɛ, i ni i yili to tɔn wonu ko.

Isikiyɛli 44:5 ပူးပေါင်းရင်းမြစ်များ

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

2 Ko-Kɔrɔta-Karan 11:16

Isirɛla mɔgɛ minnu duruta anu benba Isirɛlata Mari Alla-batoe la, wonu bilara Lifayinu fɛ ka na Yerusalɛm soe burɔ ka bɔ kantɔ-mɔgɛ wonu tɛma alako ka sarakɛnu bɔ anu benbanuta Mari Alla ye.

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Yaburi 24:3

Yon si ke yɛlɛla Marita kɔnkɔ-sɛnimɛ kuma? Yon si ke donna ata Bato-Bon-sɛnimɛ la?

Bɔ-Koe-Iyipiti 9:21

Marita kumɛ bɔrɔ ma taran Iyipiti mɔgɛ minnu ye, wonu ya anuna yɔɔnnu anubɛ anuna kolo-fannu to gbɛ ma.

Hɛnkilimaya-Kumɛnu 24:32

N ya wo yen n yɛ la tumɛ min, n ya hɛnkili sɔrɔn.

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Isikiyɛli 42:9

Konko min bi bɔn tele-bɔɛ wara la, wonu kɔrɔ, don-dɛ ye nyɔ min si ta a labila kata burɔ. Ale bon-subolo kelan sɔnɛ Bato-Bɔn dugula wara la fanan. Wo fanan ma fɛ-yan Bato-Bɔn tele-yigi warala bɔn la.

Isikiyɛli 46:19

Wo kɔma, luyima-tenbi-bolɔn min bi Bato-Bɔn dugula wara la min yɛ lamununnɛ kantɔ-wara la, kei wo tara n na nyɔ ko-rayirɛ wo rɔ. A ya konko-sɛnimɛnu yira n na minnu bi saraka-masɔlɛnuna ko la. A ya kan-tinɛ do yira n na konko wonu tele-yigi wara la.

Isikiyɛli 47:6

A ya a fɔ n ye ko, “Ile hadama-dan, i yili to koe kɛnu ko a kila-bɛrɛbɛrɛ fɛ.” Wo kɔma, kei wo ya n bi tun ka sɛgi n na bɛ wo kɔnkɔn dɛ fɛ.

Daniyɛli 10:12

A ko, “Daniyɛli, i kana kilan. Ka a bi a fɔlɔfɔlɛ rɔ, i ya i famayigi alako i ni ko-rayen kɛ kɔrɛ lɔn, Alla ya ila matarali-kan wo lamɔɛn. Nde fanan bara na alako ila mataralɛ ni yabi.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 32:46

a ya a fɔ anu ye ko, “Wo ni a ma wo fɛrɛma, n bara tɔn kɛ damasi min di wo ma kɛ la bi, wo ni wonu bira. Wo ni anu takaran wola dannu ye a kilɛ fɛ woletɔ anu si Allata karan kɛ bira anu bolo filɛ la gben!