Isikiyɛli 44:24 - ALLALA KUMƐ

²⁴ Ni a taranta kɛlɛ-nyɔgɔnyɛ do ye nyɔ ka a tɛgɛ tɔn-tinya-koe ma, saraka-masɔlɛnu bɛnta ka kiti wo tɛgɛ iko nta tɔn ya a fɔ nya min. A bɛnta, anu ni nna ladiyɛnu kɛ a kila-bɛrɛbɛrɛ fɛ iko tɔn ya a fɔ nya min ka Sulen-Tele bira ka a gbiliya.

Isikiyɛli 44:24 ပူးပေါင်းရင်းမြစ်များ

1 Ko-Kɔrɔta-Karan 23:4

Mansa Dawuda ya mɔgɔ waga mogan-ni-nani (24,000) bi wonu tɔ alako wonu ni Bato-Bon-kurɛ wo bato-ko-wɔlɛ kɛ. A ya mɔgɔ waga wɔrɔ (6,000) bi kɛnu tɔ tun alako wonu ni ma sɛbɛli-kɛlɛnu anubɛ kiti-salɛnu na.

Ɛsira 2:63

Yuda nyamani-kun-tigi ma sɔn anu ni saraka-masɔla-niyi dɔn. A ko anu ti ke a dɔnna fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. (Alla-sako-lɔn-fan wonu tɔgɛ Yurim anubɛ Tumin.)

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Isikiyɛli 20:12

Ma sarama-kan-tamasere do le Sulen-Tele-birɛ la alako anu ni a lɔn ko nde, Mari le ye a mala, anu ni sɛninya.

Isikiyɛli 20:20

N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 46:9

“Mɔgɛnu ba na Mari bato-tinɛ ladiya-wo-ladiya rɔ, minnu ba don kantɔ-tenbi-bolɔn la, wonu si bɔ dugula-tenbi-bolɔn la. Minnu ba don dugula-tenbi-bolɔn la, anu ba ban batoli kɛla, wonu si bɔ kantɔ-tenbi-bolɔn le la. Mɔgɔ-wo-mɔgɔ ti bɔ a gbere fɛ a donta kan min.

Tɔn-Fɔɛ-Fila-Nyɔgɛ 19:17

anu mɔgɔ fila si ta Marita kan-tina-yabɔnɛ wo rɔ. Saraka-masɔlɛnu anubɛ kiti-tɛgɛla-kun-tiginu si kiti wo sa.

Tɔn-Fɔɛ-Fila-Nyɔgɛ 21:5

Saraka-masɔlɛ donu fanan si bɛn wo rɔ nyɔ bawo wonu denu bi karagbɛlɛnu kiti damasi tɛgɛla. Wota Mari Alla ya anu nabɔ ka anu ma ata wɔli-kɛlɛnu na minnu si duwɛ kɛ ale Mari tɔgɛ rɔ.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.