Isikiyɛli 44:19 - ALLALA KUMƐ

¹⁹ Yanni anu ni bɔ Bato-Bon-luyi ma ka sɛgi kata burɔ, fɔ anu ba Bato-Bon-wɔli-kɛ-kurɛnu bɔ anu ma ka wonu to Bato-Bɔn la konko-sɛnimɛ wonu na. Anu ni duruku-gbɛrɛkɛ don anu kan na alako Bato-Bon-kurɛ kɛnu kana fɛɛ sa mɔgɛnu na.

Isikiyɛli 44:19 ပူးပေါင်းရင်းမြစ်များ

Bɔ-Koe-Iyipiti 29:37

Wo ni sarakɛ kɛnu bɔ tele wɔrɔnfila kɔrɔ iko n bara a fɔ wo ye nya min. Sarakɛ kɛnu si ma saraka-mintan-tinɛ sɛninya-fan la. Wonu si a ma, saraka-mintan-tinɛ ni sɛninya. Ni fenfen tugura saraka-mintan-tinɛ kɛ la, wo ara don nde, Alla bolo.

Bɔ-Koe-Iyipiti 30:29

I ni wonu di nde, Alla ma alako wonu si sɛninya nya min. Ni fenfen tugura miran kɛ do la, wo ara don nde, Alla bolo.

Isikiyɛli 46:20

A ya a fɔ n ye ko, “Yiliki-saraka wo, hakɛ-saraka wo, kan-tinɛ le kɛnu na saraka-masɔlɛnu si anuta niyi le te kan min. Anu si to anuna dɛgɛ-munke biredi mintanna yan fanan. Wo si a ma, ni fenfen-sɛninyanɛ, wo ti ta mɔgɛnu tɛma kata burɔ a si fɛɛ sa mɔgɛnu na kan min.”

Saraka-Masɔlɛnuta Tɔnnu 16:23

“Wo kɔma, Aruna si don Marita Fani-Bɔn la tun ka saraka-masɔ-kurɛnu bɔ a ma ka anu to nyɔ.

Saraka-Masɔlɛnuta Tɔnnu 16:4

Mari ya tɔn kɛnu fanan di Musa ma ko, “Yanni Aruna ni ta Sɛnima-Sɛnima-Tinɛ rɔ, a si a ku ka ala saraka-masɔ-kurɛnu don a kan na, wo le kurusi-kundi anubɛ duruku-ba-wɛ anubɛ a butɛ-kiri-fan anubɛ duruki wo fulɛ.

Saraka-Masɔlɛnuta Tɔnnu 6:27

Kɔnɔ mɔgɔ-gbɛrɛkɛ kana tugu sarakɛ kɛ la. Ni min ya a tui ka wo ma, wo tigi ara a nyɛrɛ don Alla bolo. Ni saraka-yele donta mɔgɛ dola kurɛ ma fɔ a ni ta a ku kan-tina-sɛnimɛ rɔ.

Saraka-Masɔlɛnuta Tɔnnu 6:3

Ni mɔgɛ do ya foninyɛ fɔ ka a dɛ ragbɛlɛya, a ko fan wo ara tunu kɔnɔ wo ye a bolo, a ara hakɛ kɛ.

Saraka-Masɔlɛnuta Tɔnnu 6:4

Ni mɔgɛ ya hakɛ kɛ sufanu kɛ, wo bɔɛ gbɛ rɔ, a tenbi kensunya-fan wo lasɛgila a tigi ma tumɛ min, a si do sa wo kuma. Ni a ya a mɔlɔn lɔn, a bɛnta a ni loli-loli lasɛgi minna ko la, a si wo ma wɔrɔ-wɔrɔ la.