Isikiyɛli 44:15 - ALLALA KUMƐ

¹⁵ Ma Tigi Mari ko, “Isirɛla mɔgɛ toenu ya anu ban n na tumɛ min, Lifayi saraka-masɔlɛ minnu bɔra Sedoki kebilɛ rɔ, wonu denu ya nna wɔlɛ kɛ n ye nta Bato-Bɔn la a kila-bɛrɛbɛrɛ fɛ. Kaka, anu denu denu bɛnta ka don nna Bato-Bɔn la ka wɔlɛ kɛ n ye. Anu denu si kɛɛn anubɛ yele bɔ n ye sarakayɛ la.

Isikiyɛli 44:15 ပူးပေါင်းရင်းမြစ်များ

2 Samuwɛli 8:17

Ahitubala den Sedoki wo, anubɛ Abiyatarila den Ahimɛlɛki, saraka-masɔlɛ le wonu na. Ala kɛdi-sɛbɛlɛ le Seraya la.

1 Mansɛnu 2:35

Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

Yɛrɛmaya 33:18

Saraka-masɔ-wɔli si to Lifayi bɔnsɔn la, a saraka-mintantɛ wo, a fui-fen-sarakɛ wo, anubɛ a sarakɛ toenu.

Isikiyɛli 14:11

N bi wo mala le woletɔ Isirɛla mɔgɛnu ti n boloka ka anu nyɛrɛ kɔsɔ anu hakɛ bolo. Nta mɔgɛ le Isirɛla mɔgɛ kɛnu na. Anuta Alla le nde la. Nde, wo Tigi Mari le wara kɛ fɔ.”

Isikiyɛli 40:45

Kei wo ya a fɔ n ye ko bon-nɛ min yɛ lamununnɛ dugulɛ la, wo ye saraka-masɔlɛnu denuna ko la minnu bi wɔlila Bato-Bɔn la.

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 43:19

Lifayi saraka-masɔlɛ minnu bɔra Sedoki kebilɛ rɔ, wonu denu dɔrɔn si na n yakɔrɔ ka nta wɔlɛ kɛ. Nde, Isirɛla Tigi Mari kan le kɛ la. Ile si tura-bulan di anu ma ka wo ma hakɛ-sarakɛ la.

Isikiyɛli 44:10

Mari ya a fɔ n ye ko, “N bi Lifayi bɔnsɔn kɛnu tɔrɔla anubɛ Isirɛla mɔgɛ minnu bara anu ban nde la ka don bɛsi-kɔ-koe rɔ.

Isikiyɛli 44:7

Saraka-masɔlɛnu tenbi kɛɛnnu anubɛ yele bɔla n ye sarakayɛ la tumɛ min, Isirɛla mɔgɛnu bara nta Bato-Bɔn latinya ka sɔn sibolo-gbɛrɛ-kemininyabɛlɛnu ni don nyɔ, ado sibolo-gbɛrɛ wonu tolo gbere kati! Nna mɔgɛnu bara sarama-kan tinya ma tɛma ka a tɛgɛ anuna kisimiriya-ko-ladannu ma.

Isikiyɛli 48:11

Dugu-sɛnimɛ kɛ ye Sedoki kebilɛ saraka-masɔlɛnu denu ye. Isirɛla mɔgɛ toenu ya ko-yogomɛ ma tumɛ min, anubɛ Lifayi bɔnsɔn toenu, Sedoki kebilɛ kɛ le dɔrɔn ya anu natelen n ye. Anu ma kofu doinu ma wulɔn.

Saraka-Masɔlɛnuta Tɔnnu 3:3

A si a burɔ-kɛɛnnu bi anubɛ a kɔ-kili filɛ ka wonu sa a benya-bɛrɛ kuma. Anu si wonu sawɛ bi ka anu mintan Mari ye gburr!

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 18:5

Nde nyɛrɛ-nyɛrɛ le ya Lifayi mɔgɛnu yabɔ Isirɛla mɔgɛnu tɛma ka ma wole dɛnbɛnɛnu na. N bara wonu di wole ma ka anu dantɛgɛ nde ma. “N bara nta bon-burɔ-wɔlɔ-dunɛ sa wobɛ ila dannu kuma anubɛ saraka-masɔ-wɔlɛ, woletɔ nta diminyɛ ti sigi Isirɛla mɔgɛnu kuma tun!

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.

2 Timoti 2:2

I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan.

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.

Lankɛnimayɛ 2:12

“I ni kɛdi sɛbɛ ka a lata Pɛragama-chɔchi-melika ma. “ ‘Wole Pɛragama-chɔchi-mɔgɛnu, faan-da-filɛ min dɛ ye a la bɛrɛkɛ, wo le ye n bolo, ado nde le ye kɛ fɔla wo ye.

Lankɛnimayɛ 2:18

“I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 3:22

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’ ”

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.