Isikiyɛli 43:4 - ALLALA KUMƐ

⁴ Wan-belebele wo tenbira tele-bɔɛ warala tenbi-bolɔn wo la ka don Bato-Bɔn la.

Isikiyɛli 43:4 ပူးပေါင်းရင်းမြစ်များ

Bɔ-Koe-Iyipiti 40:34

Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Bɔ-Koe-Iyipiti 40:35

Wo le ya a ma, Musa ma sisi donna Fani-Bɔn la wo wati rɔ.

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Isikiyɛli 11:23

Wo kɔma, Marita wan-takanɛ wo ya Yerusalɛm boloka. Kɔnkɛ min bi soe wo tele-bɔɛ wara la, a yɛlɛta nyɔ kuma.

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Isikiyɛli 43:1

Ko-rayirɛ kɛ rɔ, kei wo tara n na tele-bɔɛ tenbi-bolɔn la.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 44:2

Mari ya a fɔ n ye ko, “I ni don-dɛ kɛ latogonnɛ to, ado a la ti ka tun. Hadama-den fenfen ti bɔ nyɔ tun bawo nde, Isirɛlata Mari Alla donta nyɔ le nun. A latogonnɛ ni to dɛɛ!

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.