Isikiyɛli 43:20 - ALLALA KUMƐ

²⁰ I si wo yele do bi ka a kɛ saraka-mintan-tinɛ bolon nanɛ wonu ma anubɛ a tɛmɛ tonko nanɛ fanan anubɛ a da-gbengbe mumɛ bɛɛ. I ye saraka-mintan-tinɛ wo dantɛgɛla ka le ka a sɛninya.

Isikiyɛli 43:20 ပူးပေါင်းရင်းမြစ်များ

Bɔ-Koe-Iyipiti 29:12

I ni ta turɛ wo yele la kata burɔ ka do sisa saraka-bɔ-tinɛ a bolon nanɛ ma i bolo-nɔlɔnɛ la ka a yele-toe rawuya dugi ma saraka-mintan-tinɛ kɔrɔ.

Bɔ-Koe-Iyipiti 29:36

“Tele-wo-tele, wo si to tura kelen mala sarakɛ la ha tele wɔrɔnfilɛ da ni fa. Anu hakɛ-yamatogon-sarakɛ le turɛ kɛnu na. Wo kɔma, wo si tuli kɛ saraka-mintan-tinɛ wo ma. Wo si a ma worɔ, saraka-mintan-tinɛ fanan ni sɛninya.

Bɔ-Koe-Iyipiti 29:37

Wo ni sarakɛ kɛnu bɔ tele wɔrɔnfila kɔrɔ iko n bara a fɔ wo ye nya min. Sarakɛ kɛnu si ma saraka-mintan-tinɛ sɛninya-fan la. Wonu si a ma, saraka-mintan-tinɛ ni sɛninya. Ni fenfen tugura saraka-mintan-tinɛ kɛ la, wo ara don nde, Alla bolo.

Isikiyɛli 43:14

Saraka mintan tinɛ wo faranɛ sigi-tina sawa la. A kɔrɔtɛla yanyɛ, nunkan-nya fila. A tɛmatɛ donnɛ a rɔ. Ka a bi a kɔrɔtɛ da-gbengbe ma ka ke a tɛmatɛ kuru-kɛ-tinɛ ma, nunkan-nya kelen de tala ala foolɛ bɛɛ rɔ. A tɛmatɛla yanyɛ, nunkan-nya nani. A kumatɛ donnɛ a rɔ fanan. Ka a bi a tɛmatɛ-da-gbengbe fanan ma ka ke a kumatɛ kuru-kɛ-tinɛ ma, nunkan-nya kelen de tala wola foolɛ fanan tɔ.

Isikiyɛli 43:22

Wo banda kɛ, i ni baa-kɔrɔn bi, fɛɛ sa min na ka wo fanan ma hakɛ-sarakɛ la. I si saraka-mintan-tinɛ wo sɛninya a yele la iko i ya a ma tura yele la nya min.

Isikiyɛli 43:26

Tele wɔrɔnfilɛ wo kɔrɔ, saraka-masɔlɛnu bi saraka-mintan-tinɛ dantɛgɛla alako a ra ni bɛn ala wɔlɛ-koe la.

Isikiyɛli 45:18

Ma Tigi Mari ko, “San-karɛ-kurɛ, a tele fɔlɛ ma, wo ni tura kelen bɔ, fɛɛ sa min na ka wo ma Bato-Bɔn sɛninya-fan la.

Isikiyɛli 45:19

Saraka-masɔlɛ si hakɛ-sarakɛ kɛ yele do bi ka a sisa Bato-Bɔn don-dɛ kankan-kiri-kɔnnu ma. Wo kɔma, a si do sisa saraka-mintan-tinɛ wo tonko nanɛ ma. Wo kɔma, a si do sisa Bato-Bon-luyi ma tenbi-bolɔn kankan-kiri-kɔnnu ma.

Saraka-Masɔlɛnuta Tɔnnu 16:18

a si bɔ luyi ma ka saraka-mintan-tinɛ sɛninya fanan. A si turɛ anubɛ baa-yele wo do bi ka a purupuru saraka-mintan-tinɛ bolon nanɛ bɛɛsi ma.

Saraka-Masɔlɛnuta Tɔnnu 16:19

A si a bolo-nɔlɔnɛ sa yele wo rɔ tun ka a pusen saraka-mintan-tinɛ tɔnkɔn ma iko wɔrɔnfila. Wo le si a ma, saraka-mintan-tinɛ wo si sɛninya Isirɛla mɔgɛnu hakɛla ko la.”

Saraka-Masɔlɛnuta Tɔnnu 4:25

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:30

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 4:34

Saraka-masɔlɛ si a bolo-nɔlɔnɛ layigi saga-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Saraka-Masɔlɛnuta Tɔnnu 8:14

Musa nara tura-bulan wo la anu hakɛ-sarakɛla ko la. Aruna anubɛ ala den-keminɛnu ya anu bole sa a kunyɛ ma.

Saraka-Masɔlɛnuta Tɔnnu 8:15

Musa ya a faga ka a bolo-nɔlɔnɛ layigi a yele rɔ ka do sosa saraka-bɔ-tinɛ bolon nanɛ ma ka wo dantɛgɛ Mari ma. A ya a yele-toe bi ka a rawuya dugi ma saraka-mintan-tinɛ kɔrɔ. Wo le ya a ma, a ya saraka-bɔ-tinɛ dantɛgɛ Mari ma ka a sɛninya.

Saraka-Masɔlɛnuta Tɔnnu 9:9

Ala dannu nara wo yele la. Aruna ya a bolo-nɔlɔnɛ layigi a yele wo rɔ ka do sosa saraka-mintan-tinɛ bolon nanɛ ma. A ya a yele-toe bi ka a rawuya dugi ma saraka-mintan-tinɛ kɔrɔ.