Isikiyɛli 43:2 - ALLALA KUMƐ

² N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 43:2 ပူးပေါင်းရင်းမြစ်များ

Aiseya 17:12

Sibolo-gbɛrɛ fanka-tiginu si tugun anu nyɔgɛnu na iko kɔgɔ-yi ye sɔnkɔla a rɔ nya min.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Isikiyɛli 1:24

Anu ba gban, nde, Isikiyɛli si anu kanban-kan lamɔɛn. Anu kanban wo kan manɛ iko wasa-belebele tugu-kan. Anu kanban-tagbesi-kan wo manɛ fanan iko kɛlɛ-den-siyamɛnu kinta-kan, ado a manɛ fanani iko Alla Sɛnbɛ-Bɛɛ-Tigi kuman-kan le. Anu ba anu sulen kan min, anu si anu kanbannu namɔrɔmɔrɔ.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Isikiyɛli 10:4

Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Isikiyɛli 11:22

Nima-fen-kanbannamɛ wonu gbanta anubɛ anu kian wonu. Isirɛlata Allata wan-takanɛ ye anu kuma.

Isikiyɛli 11:23

Wo kɔma, Marita wan-takanɛ wo ya Yerusalɛm boloka. Kɔnkɛ min bi soe wo tele-bɔɛ wara la, a yɛlɛta nyɔ kuma.

Isikiyɛli 3:23

Woletɔ n tara lɛɛ rɔ. N ya Marita wan-belebele yen ko-rayirɛ rɔ nyɔ fanan iko n ya a yen Kiba bɛ dafɛ nya min. N ya n naburun a ma dugu ma tun

Isikiyɛli 43:4

Wan-belebele wo tenbira tele-bɔɛ warala tenbi-bolɔn wo la ka don Bato-Bɔn la.

Isikiyɛli 44:2

Mari ya a fɔ n ye ko, “I ni don-dɛ kɛ latogonnɛ to, ado a la ti ka tun. Hadama-den fenfen ti bɔ nyɔ tun bawo nde, Isirɛlata Mari Alla donta nyɔ le nun. A latogonnɛ ni to dɛɛ!

Isikiyɛli 9:3

Wo wati rɔ, Isirɛlata Allata wan-takanɛ bɔra melikala muninyɛnu kuma, a ye kan min nun. A tara Bato-Bɔn don-dɛ la. Sɛbɛli-kɛ-fannu bi linɛn duruku-tigi min bolo, Mari ya a fɔ wo ye ko,

Habakuku 2:14

Iko kɔgɔ-yi-worɔn lafanɛ yi la nya min, duninya kɛ la si fa Marita gbiliyɛ-lɔn-koe la wo nya na le.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Habakuku 3:4

I namatoe-mɛnsan ye tiila i ma iko san-sɛran. Ile Allata fanka-dogonnɛ i kɔɛn min tɔ, wo mɛnsan ye tiila i ma.

Yɔni 12:41

Nɛbi Aiseya ya kɛ sɛbɛ bawo Alla ya Yisala gbiliyɛ yira a la nun ka ala koe sɛbɛ.

Lankɛnimayɛ 1:15

A kiannu bi malan-malanna iko sila-laleenɛ min kaganɛ. A kuman-kan manɛ iko wasa-sɛnbɛlamɛ.

Lankɛnimayɛ 14:2

Wo kɔma, n ya kuman-kan lamɔɛn bɔla Arinyɛni tɔ. Wo manɛ iko wasa-sɛnbɛlamɛ-kan. A manɛ fanan iko san-sɛrɛn-kan. N ya kuman-kan min namɔɛn, wo manɛ fanan iko sɔrɔn-fɔlɛnuna sɔrɔn-kan.

Lankɛnimayɛ 18:1

Wo kɔma, n ya melika-yigimatoe yen bɔla Arinyɛni tɔ, sarati ye min bolo dɔgɔma-ma-de! Waan rakara dugu-kole kuma ata gbiliyɛ bolo.

Lankɛnimayɛ 19:1

Wo kɔma, n ya kuman-kan do lamɔɛn iko sɛrɛ-siyaman-wɛ-kan Arinyɛni tɔ. Anu bi a fɔla ko, “Alla tanto! Mata Allatɛ le kisi-koe anubɛ gbiliyɛ anubɛ sɛnbɛ la!

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.