Isikiyɛli 43:11 - ALLALA KUMƐ

¹¹ Wo kɔma, ni anu miliyara ka a tɛgɛ anu sɔn-yogomɛnuna ko ma, Bato-Bɔn kɛ wara-koe fɛsɛfɛsɛ anu ye a kila-bɛrɛbɛrɛ fɛ. A bɔn-sɔ-nya wo, a don-dɛ-ladan-nya wo, a bɔ-dɛ ladan-nya wo, a mabɛn-nya wo, a ko-nya mumɛ bɛɛ wo, a sereya anubɛ a bira-nya wo, i ni wo bɛɛ sɛbɛ anu ye alako anu ni a lɔn a ko-nya bɛɛ ye mala nya min. Wo kɔma, anu ni a lɔn fanan anu si a tɔnnu bira nya min.

Isikiyɛli 43:11 ပူးပေါင်းရင်းမြစ်များ

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 12:3

“Ila mirannu mabɛn iko kɛlɛ-kɔrɔ-maburilɛ. Yanni a la ni fin, i ni tagama dabira. I wa wuli, bɛɛ ni i yen tala. Tumado, mɔgɔ-murutiyanɛ wonu si i yen tala.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 43:10

Wo kɔma, Mari ya a fɔ tun ko, “Ile hadama-dan, Bato-Bɔn kɛ wara-koe fɔ Isirɛla mɔgɛnu ye. Anu ni bɔn kɛ suman-nya rakaran. A ma, anu ni miliya anuna kɛ-nya-yogomɛnu na.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”