Isikiyɛli 42:20 - ALLALA KUMƐ

²⁰ Kata wo tɔnkɔn nanɛ bɛɛ nunkan-nya kɛmɛ loli-loli. Allatɛ ye min na anubɛ mɔgɛnutɛ ye min na, kata wo ye wonu dan le la.

Isikiyɛli 42:20 ပူးပေါင်းရင်းမြစ်များ

Keninteya-Siginu 2:9

A ye a burila iko sɛnsɛ-bulan. A sɔnɛ yasɛ kɔma ka a yɛ masa n ma woe la.

Aiseya 25:1

Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Aiseya 26:1

Wati ye nala, mɔgɛnu si to bɛti kɛ bɔla Yuda nyamanɛ rɔ. Mala soe ragbɛlɛ. Alla nyɛrɛ-nyɛrɛ ye ala tarɛ kumafunfanna.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 40:5

N ya Bato-Bɔn le yen kata mininɛ a ma. Kei wo ya ala fen-suman-kɔlɔma wo bi minna yanyɛ bɛnnɛ nunkan-nya wɔrɔnfila ma. A ya kata wo suman. Kata wola yanyɛ anubɛ a kɔnɛ wonubɛ kɔlɔma wo rakɛn de gbetu!

Isikiyɛli 43:12

Bato-Bon-sereya le kɛ la. Bato-Bɔn sɔnɛ kɔnkɛ min kuma, wola foolɛ bɛɛ tɛrr, wo bɛɛ sɛninyani de!”

Isikiyɛli 44:23

“Saraka-masɔlɛnu bɛnta, anu ni nna mɔgɛnu karan ka ko-sɛninyanɛ anubɛ ko-sɛninyabɛlɛ dan-natɛgɛ lɔn iko tɔn ya a fɔ nya min. Anu ni a lɔn Allatɛ ye min na anubɛ mɔgɛnutɛ ye min na.

Isikiyɛli 45:2

Kan-tinɛ kɛ rɔ, dugi do si ma Bato-Bɔn sɔ-tinɛ la. Wo lɔngbɔn, nunkan-nya kɛmɛ loli, a kɔnɛ fanan, nunkan-nya kɛmɛ loli. Gbɛkole si to ala foolɛ rɔ min kɔnɛ nunkan-nya bi-loli.

Isikiyɛli 48:15

“Dugu-latankanɛ min tonɛ, wo sɛninyani ma. A ye nyɔ-mɔgɛ bɛɛ le ye. A lɔngbɔn, mɛli tan, a kɔnɛ, mɛli fila. Anu si to dugi wo rɔ ka nyɔ ma kolo-fen de-nyini-tinɛ la. Yerusalɛm soe si taran dugi wo tɛma den!

Isikiyɛli 48:20

“Woletɔ dugu-latankanɛ wo si to sigisɔn wo tɛma den! A lɔngbɔn anubɛ a kɔnɛ, mɛli tan, ado Yerusalɛm soe wo ye sigisɔn wo le tɔ.

Saraka-Masɔlɛnuta Tɔnnu 10:10

Wole fanan ni fen-sɛnimɛ anubɛ fen-sɛninyabɛlɛ dan-natɛgɛ lɔn. Wo si a lɔn ni Allatɛ le min na anubɛ ni mɔgɛnutɛ le min na.

Maika 7:11

Wo wati wa ke, wole Yerusalɛm kɛnu, wo si wola so-tarɛ sɔ a gbɛ rɔ tun. Nyamanɛ do si sa wola nyamanɛ kuma ka koloya.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Luka 16:26

Ka tenbi wo bɛɛ la, denka-filun-bɛ ye male anubɛ ile tɛma, ado ni minnu bi a fɛ ka bɔ yan ka ta i wara nyɔ, wonu ti ke tala nyɔ. Mɔgɔ ti ke bɔla i warɛ nyɔ fanan ka na male warɛ yan.’

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.