Isikiyɛli 42:14 - ALLALA KUMƐ

¹⁴ Ni a taranta saraka-masɔlɛ do ye bɔla Bato-Bɔn la ka ta kata burɔ mɔgɔ-gbɛrɛnu nadɛnnɛ kan min, yanni a ni ta nyɔ, a si Marita saraka-masɔ-kurɛnu bɔ ka wonu to konko wonu na bawo kurɛ wonu sɛninyanɛ. A si a halala-kurɛnu don yanni a ni ta mɔgɛ doinu tɛma.”

Isikiyɛli 42:14 ပူးပေါင်းရင်းမြစ်များ

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Isikiyɛli 44:1

Ko-rayirɛ kɛ rɔ, kei wo tara n na kata burɔ tenbi-bolɔn tele-bɔɛ wara la. N ya a taran, tenbi-bolɔn wo don-dɛ latogonnɛ.

Isikiyɛli 44:19

Yanni anu ni bɔ Bato-Bon-luyi ma ka sɛgi kata burɔ, fɔ anu ba Bato-Bon-wɔli-kɛ-kurɛnu bɔ anu ma ka wonu to Bato-Bɔn la konko-sɛnimɛ wonu na. Anu ni duruku-gbɛrɛkɛ don anu kan na alako Bato-Bon-kurɛ kɛnu kana fɛɛ sa mɔgɛnu na.

Saraka-Masɔlɛnuta Tɔnnu 16:23

“Wo kɔma, Aruna si don Marita Fani-Bɔn la tun ka saraka-masɔ-kurɛnu bɔ a ma ka anu to nyɔ.

Saraka-Masɔlɛnuta Tɔnnu 16:24

Wo kɔma, a si a ku nyɔ ka a nyɛrɛta kurɛnu bi. A wa ban a mayɛlɛmana tumɛ min, a si bɔ luyi ma ka saraka-mintantɛ saga-yigi filɛ wonu kan natɛgɛ ka anu mintan gburr! A wa ban kɛnu mintanna, wo si ale anubɛ Isirɛla mɔgɛnuna hakɛ yamatogon.

Saraka-Masɔlɛnuta Tɔnnu 8:13

A banta wo mala tumɛ min, a ya Arunala den-keminɛnu nana ka anu sɔ mɔgɛnu yarɔ. A ya duruku-kɔrɔ-don don anu kan na ka anu butɛ kiri butɛ-kiri-fan wo la. A ya saraka-masɔlɛta-fulɛnu minimini anu salɛ ma iko Mari ya a fɔ a ye nya min nun.

Saraka-Masɔlɛnuta Tɔnnu 8:7

A ya duruku-kɔrɔ-don anubɛ duruku-ba-wɛ don Aruna kan na anubɛ a butɛ-kiri-fan. Wo kɔma, a ya duruku-nɛ do bi min karanɛ tɛ-kiri-fan do ma.

Luka 9:62

Yisa ya a fɔ wo ye ko, “Mɔgɔ-wo-mɔgɔ ya sara-ninki bi dugu-wɔrɔ tinɛ, ni a tora a yɛ lasɛgila a kɔma, wo ti bɛn Allala mansayɛ ma.”

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Kalesiya 3:27

Wola batasili rɔ, wobɛ Yisa Kirasiti ara ma kelen na. Wo mara tumɛ min, wo ara Kirasiti sɔn bila wo kan na iko fɛrɛya-bɔɛ.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”