Isikiyɛli 42:13 - ALLALA KUMƐ

¹³ Kei wo ya a fɔ n ye ko, “Bon filɛ kɛnu sɛninyani de bawo saraka-masɔlɛ minnu bi wɔlila Mari ye, wonu bi anuna saraka-sɛnimɛnu dɔnna bɔn wonu denu na. A mara fui-fen-saraka la wo, a mara hakɛ-saraka la wo, a mara yiliki-saraka la wo, wonu bi saraka-sɛnimɛ wonu namarala bɔn wonu denu na bawo a konkonu sɛnima.

Isikiyɛli 42:13 ပူးပေါင်းရင်းမြစ်များ

Nihɛmaya 13:5

Bato-Bɔn wo konko-fulan-bɛ do ye nyɔ, fui-fen-sarakɛnu wo, isɛnti wo, Bato-Bon-mirannu wo, saraka-masɔlɛnu niyi wo, fui-fen-yakanu wo, minni-fen-yakanu wo, anubɛ tulu-yakanu anu bi min dila Lifayinu anubɛ Bato-Bon-fɔli-kɛlɛnu anubɛ a da-makandannɛnu ma, wonu namara tinɛ le konko wo la. Ilayasibu sɔnta Tobayata fen namara koe ma nyɔ.

Bɔ-Koe-Iyipiti 29:31

“I wa wuli saraka-masɔlɛnu dantɛgɛla nde ma tumɛ min, i si saga-yigi fila nyɔgɛ kɛ ma anu dantɛgɛ-sarakɛ la nde ye. Wo si wo soge te kata burɔ.

Isikiyɛli 40:38

Bon-nɛ do tugunnɛ Bato-Bɔn luyima-tenbi-bolɔn la kata burɔ kantɔ-wara la. Bon-nɛ wo don-dɛ bɛnnɛ wo dandan-kɔrɛ ma min yɛ lamununnɛ kata-burɛ la. Anu bi saraka-mintantɛnu kula nyɔ le.

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 41:12

Bato-Bɔn kɔma tele-yigi wara la, bɔn do sɔnɛ nyɔ, a lɔngbɔn, nunkan-nya bi-kɔnɔntɔ. A kɔnɛ, nunkan-nya bi-wɔrɔnfila. Bɔn wo dandan-da-gbengbe, nunkan-nya loli.

Isikiyɛli 42:1

Wo kɔma, ko-rayira kelan wo rɔ, kei wo tara n na tun bon-dogbɛrɛ la konko-siyaman bi min tɔ kata burɔ. Bɔn wo tugunnɛ luyima-kata la kantɔ-wara la, ado nyɔ ma fɛ-yan tele-yigi wara la bɔn la.

Saraka-Masɔlɛnuta Tɔnnu 10:17

Musa ya anu manyinika ko, “Nfen ya a to, wo ma saraka-soge kɛ dɔn? A bɛnta, wo ni a dɔn kan-tina-sɛnimɛ kɛ rɔ nun. Fen-sɛninyanɛ le kɛ la. Mari ya kɛ di wo ma mɔgɛnuna hakɛ-yamatogon-koe la.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 14:13

A si saga-dan wo bi ka a faga kan-tina-sɛnimɛ wo rɔ, anu si saraka-mintantɛnu anubɛ hakɛ-sarakɛnu faga kan min. A ye yiliki-sarakɛ kɛ fagala nyɔ le bawo a sɛninyanɛ de iko hakɛ-sarakɛ fanan. Kɛnu si to saraka-masɔlɛ ye.

Saraka-Masɔlɛnuta Tɔnnu 2:10

A toe wonu si to saraka-masɔlɛnu bolo. A si sɛninya bawo anu ya a di Mari ma.

Saraka-Masɔlɛnuta Tɔnnu 2:3

A toe wo si to saraka-masɔlɛnu ye. A sɛninyanɛ si to bawo anu ya a di Mari ma.

Saraka-Masɔlɛnuta Tɔnnu 21:22

Kɔnɔ Mari ko mɔgɔ sufa kɛnu si ke le ka yisi-kima-sarakɛ dɔn anubɛ min dantɛgɛnɛ saraka-masɔlɛnu ma.

Saraka-Masɔlɛnuta Tɔnnu 24:9

Kɔnɔ biredi kɛnu, Aruna anubɛ ala denbayɛnu denutan kɛ la yɛ! Anu si to a dɔnna kan-tina-sɛnimɛ rɔ bawo saraka-masɔlɛnuta dɔnta-sɛnimɛ le min bɔra nde, Marila saraka-sɛnimɛnu tɔ.”

Saraka-Masɔlɛnuta Tɔnnu 6:19

Musa ya Mari kuman-kan kɛ latenbi ko,

Saraka-Masɔlɛnuta Tɔnnu 6:29

Saraka-masɔlɛnu kebila-mɔgɔ-keimɛnu si kɛ dɔn, laa-wo-laa sa anu na. Saraka-sɛnimɛ le.

Saraka-Masɔlɛnuta Tɔnnu 7:1

Musa ya Mari kuman-kan kɛ latenbi Aruna anubɛ a kegeyɛnu ye ko, “Yiliki-sarakɛ si bɔ nya min, wo tɔn le kɛnu na.

Saraka-Masɔlɛnuta Tɔnnu 7:6

Saraka-masɔlɛnu kebila-mɔgɔ-keimɛnu de dɔrɔn si kɛ dɔn. Kɔnɔ anu si a dɔn kan-tina-sɛnimɛ rɔ bawo saraka-sɛnima-bɛrɛ le.

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 18:7

Wota dunɛ le kɛ la bawo n bara saraka-masɔ-wɔlɛ di wo ma. Mɔgɔ-wo-mɔgɔ min ma bɛn ka wɔlɛ wo kɛ, ni wo ya nyɛrɛmankolayɛ ladan, wo nyɛrɛ si faga.”

Tɔn-Fɔɛ-Fila-Nyɔgɛ 21:5

Saraka-masɔlɛ donu fanan si bɛn wo rɔ nyɔ bawo wonu denu bi karagbɛlɛnu kiti damasi tɛgɛla. Wota Mari Alla ya anu nabɔ ka anu ma ata wɔli-kɛlɛnu na minnu si duwɛ kɛ ale Mari tɔgɛ rɔ.