Isikiyɛli 40:6 - ALLALA KUMƐ

⁶ A tara tele-bɔɛ tenbi-bolɔn wara la. A yɛlɛta yɛlɛdɛ ma. A ke yɛlɛdɛ laban ma, a ya dandan-kɔrɛ kɔnɛ suman. Dandan-kɔrɛ wo kɔnɛ bɛnta kɔlɔma wo nya kelen de ma.

Isikiyɛli 40:6 ပူးပေါင်းရင်းမြစ်များ

1 Mansɛnu 6:8

Konko wonu kɔrɔtɛ bonda-dɛ tora Bato-Bɔn dugula wara la. Anu ya yɛlɛ tinɛ ladan ka bɔ konko wonu kɔrɔtɛ ma ha ka ta ke a kumatɛ ma.

1 Ko-Kɔrɔta-Karan 9:18

Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

1 Ko-Kɔrɔta-Karan 9:24

Minnu bi dɛ wonu makandanna, anu si do sigi tele-bɔɛ wara la. Anu si do sigi tele-yigi wara la. Anu si do sigi kantɔ-wara la. Anu si do sigi dugula wara la. Makandannɛ kɛ bɛɛta kunyɛ ye nyɔ rɔ.

Nihɛmaya 3:29

Imɛrila den Sedoki, wo le ya nyɔ-tatugunnɛ sɔ, ata bon-telentɛ, kɔni. Sɛkanayala den Sɛmaya, min bi tarɛ dɛ makandanna min tɔgɛ ko Tele-Bɔɛ Don-Dɛ, wo le ya nyɔ-tatugunnɛ sɔ.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Isikiyɛli 10:18

Wo kɔma, Marita wan-takani-belebele bɔra a Bato-Bɔn don-dɛ la. A ya a mayɛlɛ nima-fen nanɛ kɛnu kuma.

Isikiyɛli 11:1

Allata Sɛnbɛ ya n bi ka ta n na Bato-Bɔn tele-bɔɛ don-dɛ la. N ya kei mɔgɔ mogan-ni-loli yen sɔni don-dɛ wo dafɛ. Esurila den Yeyasanaya anubɛ Bɛnayala den Pɛlataya ye anu tɛma. Anuna kun-tigi le mɔgɔ filɛ kɛnu na.

Isikiyɛli 40:20

Wo kɔma, kei wo ya kantɔ-tenbi-bolɔn suman min bi a labilala kata-burɛ ma.

Isikiyɛli 40:22

A kila-kunna-konko wo, a wundannɛnu wo, a tɛɛnla muninyɛ ladan-nya wo, anu bɛɛ mani de iko tele-bɔɛ waralɛtɛ. Yɛlɛda wɔrɔnfila ye yɛlɛla kantɔ-tenbi-bolɔn kɛ ma. Kila-kunna-konko wo ye Bato-Bon-luyi wara la le.

Isikiyɛli 40:24

Wo kɔma, kei wo tara n na dugula kata-tenbi-bolɔn wara la. Nyɔ-dandan-da-gbengbe wo, a kila-kunna-konko wo, wonubɛ doi wonu takɛn de!

Isikiyɛli 40:26

Wo fanan yɛlɛdɛ wɔrɔnfila. A kila-kunna-konko wo ye kata burɔ wara la. Tɛɛnla muninyɛ sanɛ dandan ma kilɛ la tenbi-bolɔn la.

Isikiyɛli 40:5

N ya Bato-Bɔn le yen kata mininɛ a ma. Kei wo ya ala fen-suman-kɔlɔma wo bi minna yanyɛ bɛnnɛ nunkan-nya wɔrɔnfila ma. A ya kata wo suman. Kata wola yanyɛ anubɛ a kɔnɛ wonubɛ kɔlɔma wo rakɛn de gbetu!

Isikiyɛli 40:7

Kilɛ ye tenbi-bolɔn burɔ nyɔ. Konko sawa ye a bolo-maran wara la. Bon-makandan-konko sawa fanan bi a bolo-nyimɛ wara la. Konko wonu kɔnɛ anubɛ anu lɔngbɔn rakɛn de! Wonubɛ kɔlɔma wo rakɛn fanan. Dandan min bi konko wonu tɛma, wonu da-gbengbe bɛnta nunkan-nya wɔrɔ-wɔrɔ ma. Kilɛ wo kunyɛ wara la, konko ye nyɔ min bi a labilala kata-burɛ ma. Konko wo kɔnɛ bɛnta kɔlɔma wo nya kelen de ma.

Isikiyɛli 41:16

fɛran sanɛ dandan ma ha ka ke wundannu-sigi-rakɛn ma. Wundan wonu masansannɛ fɛrannu na, ado fɛran sanɛ dandan ma wundan kuma ha ka ke bon-kundi ma.

Isikiyɛli 42:15

Kei wo ban Bato-Bon-burɛ sumanna, a tara n na tele-bɔɛ don-dɛ kɔmatɛ wara la ka ta Bato-Bɔn fɛ-lɛ suman-tinɛ.

Isikiyɛli 43:1

Ko-rayirɛ kɛ rɔ, kei wo tara n na tele-bɔɛ tenbi-bolɔn la.

Isikiyɛli 43:17

A tɛmatɛ kumɛ lɔngbɔn anubɛ a kɔnɛ, nunkan-nya tan-ni-nani, tan-ni-nani. A tɛmatɛ-da-gbengbe min nayɛlɛnɛ ala foolɛ rɔ, nunkan-nya tala le wo la. Denkɛ min nafoonɛ a tɛmatɛ wo la, wo kɔnɛ nunkan-nya kelen. Saraka mintan tinɛ wo yɛlɛdɛ ye yɛlɛla a tele-bɔɛ wara la le.

Isikiyɛli 43:8

Fɔlɔ nun, mansɛnu bi anuna bolɔn yɛ bɛnnɛ ntɛ le ma, ado anu donnɛ anu nyɔgɔn tɔ le fanan. Dandan dɔrɔn de ma tɛma. Anu taranta ko-latinyanɛ minnu mala, wo mara tɔgɔ-tinya la nde bɛrɛn ye. Woletɔ n ya anu kasara nta yisi-bɔɛ la.

Isikiyɛli 44:1

Ko-rayirɛ kɛ rɔ, kei wo tara n na kata burɔ tenbi-bolɔn tele-bɔɛ wara la. N ya a taran, tenbi-bolɔn wo don-dɛ latogonnɛ.

Isikiyɛli 46:12

“Ni mansɛ ye saraka-mintantɛ anubɛ yisi-kima-sarakɛnu dila Mari ma a hɛnikɛ la, anu si tele-bɔɛ luyima-tenbi-bolɔn laka a ye. A si hɛniki-sarakɛ wonu bɔ iko a ya Sulen-Teletɛ ma nya min. A wa bɔ, anu si tele-bɔɛ don-dɛ wo latogon a kɔma.”

Isikiyɛli 47:1

Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.