Isikiyɛli 40:39 - ALLALA KUMƐ

³⁹ Tebulu nani de bon-nɛ wo la. A tɔnkɔn kɛ fila, a tɔnkɔn kɛ fila. Anu si kolo-fen-sarakɛnu faga tebulu kɛnu denu kuma. A mara a saraka-mintanta la wo, a mara a hakɛ-saraka la wo, a mara a yiliki-saraka la wo, anu si wonu faga tebulu wonu denu kuma nyɔ.

Isikiyɛli 40:39 ပူးပေါင်းရင်းမြစ်များ

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Isikiyɛli 40:40

Luyima-tenbi-bolɔn wo dandan-kɔrɛ dafɛ, tebulu nani bi nyɔ fanan. Filɛ ye a dɛ tɔnkɔn kelan tɔ, filɛ ye a dɛ tɔnkɔn doi fanan tɔ.

Isikiyɛli 40:41

Wo bɛɛ lakofunɛ, tebulu segin de, anu bi sarakɛnu fagala minnu kuma, nani ye bon-nɛ burɔ, nani ye kata burɔ.

Isikiyɛli 40:42

Tebulu nanɛ minnu bi bon-nɛ la, wonu nadannɛ kuru-lɛsɛnɛ le la. Saraka-masɔlɛnu si saraka-mintantɛnu tabɛn wonu denu kuma. Anu kɔnɛ anubɛ anu lɔngbɔn, nunkan-nya kelen ani a tala. Anuna yanyɛ, nunkan-nya kelen. Anu si miran minnu bi ka sarakɛnu bɔ, wonu namaranɛ tebulu kɛnu denu kuma.

Isikiyɛli 41:22

saraka-mintan-tinɛ. A ladannɛ kɔlɔma la. Wola yanyɛ, nunkan-nya sawa. A kɔnɛ anubɛ a lɔngbɔn, nunkan-nya fila-fila. A kɔrɛ wo, a tɔnkɔnnu wo, anubɛ a tonko nanɛ wo, wo bɛɛ ladanta fɛran le la. Kei wo ya a fɔ n ye ko, “Tebulu le kɛ la min sɔnɛ Mari yakɔrɔ.”

Isikiyɛli 42:13

Kei wo ya a fɔ n ye ko, “Bon filɛ kɛnu sɛninyani de bawo saraka-masɔlɛ minnu bi wɔlila Mari ye, wonu bi anuna saraka-sɛnimɛnu dɔnna bɔn wonu denu na. A mara fui-fen-saraka la wo, a mara hakɛ-saraka la wo, a mara yiliki-saraka la wo, wonu bi saraka-sɛnimɛ wonu namarala bɔn wonu denu na bawo a konkonu sɛnima.

Isikiyɛli 44:16

Anu denu denu dɔrɔn bɛnta ka don nna Bato-Bɔn la ka wɔlɛ kɛ saraka-mintan-tinɛ. Anu denu denu bɛnta ka n bato-koe rabɛn nna Bato-Bɔn la.

Isikiyɛli 46:2

Mansɛ si ta kata burɔ ka ta a sɔ luyima-tenbi-bolɔn dandan-kɔrɔ sɛnbɛrɛn-kɔn fɛ. Saraka-masɔlɛnu tenbi saraka-mintantɛnu anubɛ yisi-kima-saraka-bɔɛ kun na, a sɔnɛ nyɔ. Ale ye batoli kɛla don-dɛ la nyɔ le, yanni a ni bɔ. Anu ti don-dɛ wo latogon fɔɔ wurɛ la.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Saraka-Masɔlɛnuta Tɔnnu 5:19

Sarakɛ le kɛnu na bawo a ara hakɛ kɛ Mari la.

Saraka-Masɔlɛnuta Tɔnnu 6:6

A si na saga-yigi la a bolo saraka-masɔlɛ wara, fɛɛ sa min na ka wo ma a nyɛrɛ yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi ye nya min.

Malakayi 1:12

Kɔnɔ a ko dɔntɛ minnu ma di wole ye, wo ye wo le bɔla. Wo ye a yirala a la ko ala saraka-mintan-tinɛ, fufafu le wo la. Bawo wo ye kɛnu mala, wo ye a lafɛyala kɛ-nya na le.

Malakayi 1:7

A ya a fɔ wo ye ko wo ye nala dɔn-fen-sɛninyabɛlɛ la a ye ata saraka-mintan-tinɛ kuma min kɛ, wo le ye a yirala a la ko a sɔgɔ la ara bɔ wo la. Wo kɔma, wo ya ale Mari manyinika tun ko, “Ma ma ale Mari gbiliya kilɛ nyamintan fɛ?” Mari ya wo yabi ko wole nyɛrɛ ara a yira a la ko ata saraka-mintan-tinɛ gbo wo ye.

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.