Isikiyɛli 40:29 - ALLALA KUMƐ

^29-30 A konkonu wo, a dandan-kɔrɔ wo, a burɔ-da-gbengbe wo, wonubɛ tenbi-bolɔntɛ bɛɛ kelen. Wundannɛ tɛgɛnɛ konko wonu fanan ma. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:29 ပူးပေါင်းရင်းမြစ်များ

1 Mansɛnu 7:4

Anu ya wundannu gbaranda sawa-sawa ladan bɔn wo tɔnkɔn filɛ rɔ. Wundan wonu dɛ bɛnnɛ anu nyɔgɔn ma gben!

2 Ko-Kɔrɔta-Karan 31:11

Anu ya dɔn-fen namara tinɛnu nadan Bato-Bɔn burɔ iko mansɛ ya a fɔ anu ye nya min.

Nihɛmaya 13:5

Bato-Bɔn wo konko-fulan-bɛ do ye nyɔ, fui-fen-sarakɛnu wo, isɛnti wo, Bato-Bon-mirannu wo, saraka-masɔlɛnu niyi wo, fui-fen-yakanu wo, minni-fen-yakanu wo, anubɛ tulu-yakanu anu bi min dila Lifayinu anubɛ Bato-Bon-fɔli-kɛlɛnu anubɛ a da-makandannɛnu ma, wonu namara tinɛ le konko wo la. Ilayasibu sɔnta Tobayata fen namara koe ma nyɔ.

Nihɛmaya 13:9

N ya a ma, anu ya kan tinɛ wo sɛninya tun iko tɔn ya a fɔ nya min. Wo kɔma, a fui-fen wo, a Bato-Bon-miran wo, a isɛnti wo, n ya wo bɛɛ lasɛgi bɔn la tun.

Isikiyɛli 40:10

(Bon-makandan-konko minnu bi kilɛ wo tɔnkɔn filɛ rɔ, wonu takɛn de! Dandan minnu bi konko wonu kelen-kelennamɛ-bɛɛ tɛma, wo bɛɛ da-gbengbe rakɛn de fanan.)

Isikiyɛli 40:12

Konko wonu kɔrɔ, nunkan-nya kelen karanɛ gbesinɛ tala. Karanɛ wonu da-gbengbe, nunkan-nya kelen-kelen. (Konko wonu kɔnɛ anubɛ a lɔngbɔn, anu nya wɔrɔ-wɔrɔ.)

Isikiyɛli 40:16

Konko wo bɛɛ wundannɛ tɛgɛnɛ a ma tala. Wundannɛ fanan tɛgɛnɛ bon-burɔ-dandannu ma. Tɛɛnla muninyɛnu sanɛ a tɛma-kilɛ-dandannu ma.

Isikiyɛli 40:25

Dugula-tenbi-bolɔn kɛ fanan wundannɛ tɛgɛnɛ a ma iko doi wonu. Tenbi-bolɔn kɛ lɔngbɔn, nunkan-nya bi-loli. A kɔnɛ, nunkan-nya mogan-ni-loli.

Isikiyɛli 40:33

A konkonu wo, a dandan-kɔrɔ wo, a burɔ da-gbengbe wo, wonubɛ tenbi-bolɔntɛ bɛɛ rakɛn. Wundannɛ tɛgɛnɛ konko wonubɛ a dandan-kɔrɛ fanan ma. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:36

Konkonu bi wo fanan ma anubɛ tɛɛnla muninyɛnu anubɛ a dandan-kɔrɛ anubɛ wundannɛnu. A lɔngbɔn, nunkan-nya bi-loli, a kɔnɛ nunkan-nya mogan-ni-loli.

Isikiyɛli 40:7

Kilɛ ye tenbi-bolɔn burɔ nyɔ. Konko sawa ye a bolo-maran wara la. Bon-makandan-konko sawa fanan bi a bolo-nyimɛ wara la. Konko wonu kɔnɛ anubɛ anu lɔngbɔn rakɛn de! Wonubɛ kɔlɔma wo rakɛn fanan. Dandan min bi konko wonu tɛma, wonu da-gbengbe bɛnta nunkan-nya wɔrɔ-wɔrɔ ma. Kilɛ wo kunyɛ wara la, konko ye nyɔ min bi a labilala kata-burɛ ma. Konko wo kɔnɛ bɛnta kɔlɔma wo nya kelen de ma.