Isikiyɛli 40:17 - ALLALA KUMƐ

¹⁷ Kei wo ya n nabɔ tele-bɔɛ tenbi-bolɔn wara la ka ta n na kata burɔ. Konko bi-sawa ye kata wo burɔ. Kurinu sanɛ konko bi-sawɛ wonu yarɔ kilɛ ma tala.

Isikiyɛli 40:17 ပူးပေါင်းရင်းမြစ်များ

1 Mansɛnu 6:5

A ya konkonɛnu tugun bon-kinamɛ tɔnkɔn sawɛ ma tala. Konko wonu sɔnɛ ye tala anu nyɔgɔn kuma sawa-sawayɛ ma.

2 Mansɛnu 23:11

Yuda mansa-kɔrɛnu ya soee minnu ma tele-bato-fan la, a ya soee wonu nabɔ kata burɔ ka anuna kirindi mintan. (Soee wonu namaranɛ kata le burɔ don-dɛ dafɛ nun Netan-Mɛlɛkila bɔn dafɛ. Mɔgɔ-ba do le wo la nyɔ.)

1 Ko-Kɔrɔta-Karan 23:28

Donu si to Aruna kegeyɛnu dɛnbɛna saraka-masɔ-wɔlɛ la. Anu si Bɔn wonubɛ a fɛ le sɛninya woletɔ ni fan minnu sɛninyanɛ, wonu ti kɔsɔ iko tɔn ya a fɔ nya min.

1 Ko-Kɔrɔta-Karan 9:26

Kun-tigi nanɛ minnu bi makandannɛ kɛnu kuma, Lifayi le wonu na. Wonu denu bi Bato-Bon-konkonu fɛ-birala anubɛ fan minnu namaranɛ nyɔ.

2 Ko-Kɔrɔta-Karan 31:11

Anu ya dɔn-fen namara tinɛnu nadan Bato-Bɔn burɔ iko mansɛ ya a fɔ anu ye nya min.

Bɔ-Koe-Iyipiti 27:9

“Wo ni Fani-Bon-kata rabɛn. Wo ni linɛn-kura-nyimɛ nunkan-nya kɛmɛ bi ka kata bolo-nyima-waralɛ masansan wo la.

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.

Isikiyɛli 40:18

Kuri wonu bi tala a sansan-yili ma kata nyɛrɛ burɔ. Tenbi-bolon-kilɛ lɔngbɔn anubɛ kuru sanɛ wonu kɔnɛ rakɛn de! Kata burɔ mayiginɛ ka tenbi a Bato-Bɔn luyi la.

Isikiyɛli 40:38

Bon-nɛ do tugunnɛ Bato-Bɔn luyima-tenbi-bolɔn la kata burɔ kantɔ-wara la. Bon-nɛ wo don-dɛ bɛnnɛ wo dandan-kɔrɛ ma min yɛ lamununnɛ kata-burɛ la. Anu bi saraka-mintantɛnu kula nyɔ le.

Isikiyɛli 40:44

Wo kɔma, a tara n na Bato-Bon-luyi ma. Bon-ni fila sɔnɛ Bato-Bon-luyi ma nyɔ. Kelen sɔnɛ kantɔ-don-dɛ wara la, a yɛ lamununnɛ dugu la. Kelen sɔnɛ dugula don-dɛ wara la, a yɛ lamununnɛ kantɔɛ la.

Isikiyɛli 40:45

Kei wo ya a fɔ n ye ko bon-nɛ min yɛ lamununnɛ dugulɛ la, wo ye saraka-masɔlɛnu denuna ko la minnu bi wɔlila Bato-Bɔn la.

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 41:6

Konko-ni bi-sawa le ye a kɔrɔ, konko-ni bi-sawa ye anu kuma, konko-ni bi-sawa ye wonu fanan kuma. Konko-nɛ kɔrɔtɛ dandan-da-gbengbe kolo a tɛmatɛ-da-gbengbe ko. A tɛmatɛ-da-gbengbe kolo a kumatɛ ko. Anu siginɛ anu nyɔgɔn kuma wo nya na alako konko-nɛ wonu kundulasɛnu kana don Bato-Bɔn nyɛrɛ burɔ.

Isikiyɛli 42:1

Wo kɔma, ko-rayira kelan wo rɔ, kei wo tara n na tun bon-dogbɛrɛ la konko-siyaman bi min tɔ kata burɔ. Bɔn wo tugunnɛ luyima-kata la kantɔ-wara la, ado nyɔ ma fɛ-yan tele-yigi wara la bɔn la.

Isikiyɛli 42:3

Gbɛkole min bi bɔn wonubɛ Bato-Bɔn tɛma a tɔnkɔn doi rɔ, nunkan-nya mogan. A tɔnkɔn doi fanan yɛ lamununnɛ kuru-dɛnfɛnɛnu na minnu bi kata yarɔ. Bon sawa siginɛ anu nyɔgɔn kuma yɛlɛla. Bon-kɔrɔtɛ kolo a tɛmatɛ ko. A tɛmatɛ fanan kolo a kumatɛ ko.

Isikiyɛli 42:4

Bɔn wo kantɔ-wara la, kilɛ ye tala nyɔ a yarɔ min kɔnɛ nunkan-nya tan, a lɔngbɔn nunkan-nya kɛmɛ. Kilɛ wo don-dɛ ye kantɔ-wara la le.

Isikiyɛli 44:1

Ko-rayirɛ kɛ rɔ, kei wo tara n na kata burɔ tenbi-bolɔn tele-bɔɛ wara la. N ya a taran, tenbi-bolɔn wo don-dɛ latogonnɛ.

Isikiyɛli 45:5

Nyɔ-dugi toe si ma Lifayinutɛ la minnu bi wɔlila Mari ye Bato-Bɔn la a lɔngbɔn mɛli tan, a kɔnɛ mɛli nani. Anuna soenu si taran nyɔ.

Isikiyɛli 46:21

Wo kɔma, a tara n na kata burɔ. A ya kata wo tonko nanɛ yira n na, lu-nɛnu bi kan min. Lu-kole wo kelen-kelennamɛ-bɛɛ lɔngbɔn nunkan-nya bi-nani bi-nani. Wonu kɔnɛ nunkan-nya bi-sawa bi-sawa.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.