Isikiyɛli 4:2 - ALLALA KUMƐ

² Wo kɔma, ka a yira ko kɛlɛ ye soe burɔ, i ni denkɛnu sin ala foolɛ rɔ. I ni bɔnkɛ layɛlɛ a tarɛ ma. I si kɛlɛ-dagɛnu nadan ala foolɛ rɔ ka tarɛ-da-keri-kɔlɔmanu sɔ don-dɛnu dafɛ.

Isikiyɛli 4:2 ပူးပေါင်းရင်းမြစ်များ

2 Samuwɛli 20:15

Yohabula kɛlɛ-dannu ya a lamɔɛn min kɛ ko Siba ye nyɔ rɔ, anu tara bui soe wo ma. Anu ya bɔnkɛ ladɛn tarɛ kɔma alako anu ni yɛlɛ tarɛ ma ka yigi a burɔ. Wo kɔma, anu ya denkɛ sin tarɛ kɔrɔ alako tarɛ wo ni bui.

Aiseya 22:7

Lɛɛ dugu lamonɛ min bɛɛsi ye Yuda nyamanɛ rɔ, wo bɛɛ lafanɛ kɛlɛ-kɛ-kirindinu na. Kɛlɛ-dan-so-laburilɛnu sɔnɛ Yerusalɛm don-dɛ telen tɔ.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 33:4

Isirɛlata Mari Alla ko anu yogenu bi tarɛ tuntunna bɔnkɛ la soe kɔma anu kɛlɛ-koe la min kɛ, wo ya a ma, Yerusalɛm kɛnu bara anuna bɔnnu anubɛ Yuda mansɛla bolɔn tii alako anu si tarɛ wonu tagbɛlɛya nya min.

Yɛrɛmaya 52:4

Wo le ya a ma, Nɛbukanasa nara ala kɛlɛ-dannu na ka bui Yerusalɛm soe ma. Wo mara Mansa Sɛdɛkayala mansayɛ san kɔnɔntɔ, a karɛ tan, a tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Isikiyɛli 21:22

Nba! Kalabɛn min bi a bolo-nyimɛ rɔ, wo ya Yerusalɛm kilɛ yira a la. Wo ye a fɔla a ye ko a ni tarɛ da-keri-fan sɔ Yerusalɛm soe kan ma. Wo kɔma, ale mansɛ si to worondola ka kɛlɛ-matɔgɔ-kumɛnu fɔ. A si bɔnkɛ layɛlɛ soe wo tarɛ ma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Daniyɛli 11:15

Wo kɔma, Siriya mansɛ si ta bɔnkɛ ladɛn so-latankanɛ do tarɛ kɔrɔ alako anu ni a bira-a-la. Kɔnɔ Iyipiti kɛlɛ-dan wonu ma ke anu kɛlɛla. Hali anuna kɛlɛ-kɛla-wɛ min tagbɛlɛ, wo ra ti gbɛlɛya anu ko.