Isikiyɛli 4:14 - ALLALA KUMƐ

¹⁴ Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 4:14 ပူးပေါင်းရင်းမြစ်များ

Bɔ-Koe-Iyipiti 22:30

Wo ni wola kolo-fannu fanan ma wo nya. Wola kolo-fannuna den fɔlɔtɛnu ni to a na fɛ tele wɔrɔnfila kɔrɔ. A tele segin nyɔgɛ ma, wo ni anu di nde ma.

Bɔ-Koe-Iyipiti 22:31

“Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Aiseya 66:17

Mɔgɛ wonu bi anu nyɛrɛ mala mɔgɔ-sɛninyanɛ la alako anu si ta anuna bɛsɛnu kɔ nya min anuna kan-tina-hakikɛnu tɔ. Anu kungban-kungban kɛnɛna bilala anu nyɔgɔn fɛ ka ta kan-tina-hakikɛ wonu tɔ. Anu bi kɔsɔ-soge anubɛ tula-soge anubɛ fen-haramunɛ donu dɔnna nyɔ. Kɔnɔ Mari ko anu dama si na halaki anu nyɔgɔn fɛ tiriya!

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Isikiyɛli 4:15

Woletɔ Mari ko, “Tana ma wo la. Yanni i ni mɔgɛnu bo-gbalɛ bi, n si a ma, i ni ninki nyɛ-gbalɛ bi ka ila biredi mintan wo la.”

Isikiyɛli 44:31

Saraka-masɔlɛnu kana yifa-wo-yifa dɔn, a mara koni la wo, a mara sogo la wo. Hali a tɔgɔ tora sogo-gbɛrɛkɛ le la, anu kana wo dɔn.”

Isikiyɛli 9:8

Fagalɛ wo ye kɛla tumɛ min, n kelen pe le sɔnɛ nyɔ nun. N ya n naburun a ma dugi ma. N ya n dɛ sa-a-rɔ nyinikali-kɛ-tinɛ, n ko, “E, n Tigi Mari Alla, i fonde bɔnɛ Yerusalɛm kɛnu kan ma min kɛ, woletɔ i si Isirɛla mɔgɛ toe bɛɛ lato wola ko la, wa?”

Daniyɛli 1:8

Daniyɛli ya a latɛgɛ a nyɛrɛ ma ko a ti a nyɛrɛ latinya mansɛla dɔn-fan wonu dɔn tinɛ. Woletɔ a ya anu karan-mɔgɔ Asipinasi madiya alako ale kana mansɛla dɔn-fan dɔn anubɛ ka ala baan min.

Saraka-Masɔlɛnuta Tɔnnu 17:15

Isirɛla mɔgɛ wo, sundan wo, ni wo do ya sogo-suyi do dɔn min fagara a nyɛrɛ ma, a dɔnnɛ sɛninyani ma. Ni min ya sogo-suyi do dɔn sogo-feremɛ ya min faga, ni min ya wo dɔn, a sɛninyani ma. Mɔgɔ su min bi kɛ sufa mala, wonu si anuna kurɛnu anubɛ anu fɛrɛ-bɔnkɛnu ku. Hali a ya a ku fanan, a sɛninyani ma ha wurɛ la.

Saraka-Masɔlɛnuta Tɔnnu 19:7

bawo a sɛninyani ma tun. Ni mɔgɔ-wo-mɔgɔ ya soge wo dɔn a tele sawɛ ma, nde, Mari ti sɔn wo sarakɛ la tun.

Saraka-Masɔlɛnuta Tɔnnu 22:8

Saraka-masɔla fenfen kana soge dɔn min bara faga a nyɛrɛ ma anubɛ sogo-feremɛnu bara min faga. Ni min ya wo dɔn, wo sɛninyabɛlɛ si to. Nde le wota Mari Alla la min ya wo fɔ.

Kɛwɔlɛnu 10:14

Kɔnɔ Pita ya a sɔsɔ, a ko, “Ade, Mari! N ma fenfen dɔn bɛ n tanɛ ye min na. N ti fen-kɔsɔnɛ dɔn mumɛ!”

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Tɔn-Fɔɛ-Fila-Nyɔgɛ 14:3

“Wo kana fenfen dɔn Mari ara a fɔ min ma ko a sɛninyani ma.