Isikiyɛli 39:6 - ALLALA KUMƐ

⁶ Mɔgɛ minnu nafɛrɛnɛ siginɛ Megogi nyamanɛ anubɛ kɔgɔ-yi-dafɛ-nyamanɛnu na, fenfen sa anu mabanna nun. N si tɛ tugu nyɔ la. Wo wa ma tumɛ min, bɛɛ si a lɔn ko nde le Mari la.

Isikiyɛli 39:6 ပူးပေါင်းရင်းမြစ်များ

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Yɛrɛmaya 25:22

Taya so-tigi anubɛ Saidon so-tigi wo, nyamani-tigi minnu bi Mɛdetereniyan kɔgɔ-yila-foolɛ rɔ wo,

Isikiyɛli 30:16

N ba tɛ tugu Iyipiti nyamanɛ la, Pɛlusiyam soe tɔrɔyanɛ si to dumɛ bolo. N si Tibisi soe tarɛ labui fugbu! Yi si soe wo yamatogon.

Isikiyɛli 30:8

N ba tɛ tugu Iyipiti nyamanɛ la, anubɛ a kɛlɛ-den-masannɛ bɛɛ kunyɛ wa to-a-rɔ, bɛɛ ye a lɔnna wo le ma ko Mari le nde la.

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Isikiyɛli 37:6

N si anu fasɛ anubɛ anu soge sa anu kole wonu ma tun. N si anu gbole fanan sa anu ma. N si niyi bila anu tɔ tun ka anu ma kɛndɛwagɛnu na. Wo kɔma, anu si a lɔn ko Mari le nde la.”

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 38:13

A ko Siba kɛnu anubɛ Didan kɛnu anubɛ Sipeni nyamani-yilanu si to ale mansɛ manyinikala ko, “I wara ban ila kɛlɛ-dannu kundɛnna alako anu ni ta bui mɔgɛnu ma, wa? I wara ban anu bolo-fannu torondela anu na, wa? A wodi-gbɛ wo, a sɛnɛ wo, a kolo-fen wo, a bolo-fen wo, a sɔgɛ ye i la, i ni ta wo bɛɛ la i bolo, wa?”

Isikiyɛli 38:2

“Ile hadama-dan, i ni Mansa Kɔgi makuma min bi Tubalinu anubɛ Misɛki sigisɔnnu kun na Megogi nyamanɛ rɔ.

Isikiyɛli 38:6

Sibolo-gbɛrɛ-siyaman si kofu Koma kɛnu anubɛ Bɛti-Togarama kɛnu ma ka bɔ kantɔ-wara la pan! Wonu dama sɔnɛ a fɛ kɛlɛ rɔ anubɛ mɔgɔ-siyaman ka bɔ kantɔ-wara la pon!

Isikiyɛli 39:5

Anu si to tɔnbɔnna anu kin na binyɛ rɔ ka kima yen! Nde, i Tigi Mari ara ban kɛ fɔla.

Emɔsi 1:10

Mari ko a si tɛ layigi Taya soe kuma ka anubɛ a tarɛ fanan mintan.” Idɔm Mɔgɛnu

Emɔsi 1:4

Mari ko Mansa Hɛsiyɛli ya bon-hakikɛ min sɔ, a ye nala tɛ layigila a kuma ka a mintan gburr! Hali ala den Mansa Hedadi ya kata min sɔ, tɛ si wo dama mintan.

Emɔsi 1:7

a si tɛ layigi Kesa soe kuma ka anubɛ a tarɛ fanan mintan.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Lankɛnimayɛ 20:8

Sibole minnu nyɛnsɛnnɛ duninya kan bɛɛ rɔ, a si ta ka wonu yanfa, Kɔgi anubɛ Megogi nyamanɛnu, kɔni. Setanɛ si na wonu dama la ka anu nadɛn kɛlɛ-kɛ-koe la. Anu siya iko kɔgɔ-yi-kɛnkɛn siya nya min.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.

Kɛlɛ-Kurugbɛnu 18:7

Ko-lakɔrɔsila mɔgɔ lolɛ kɛnu bɔra nyɔ. Anu tara ha Leyisa soe burɔ. Anu ke nyɔ, anu ya so-burɔ-mɔgɛ wonu makimanɛ taran sigini iko Saidon kɛnu siginɛ nya min. Anu sa bagala mɔgɛ ma, mɔgɛ sa bagala anu ma. Nɔnfulu-tigi le anu na, ado anu fɛ-yan Saidon kɛnu na. Wo kɔma, anu ti sɔn basanna mɔgɔ-gbɛrɛkɛnu na, anu siginɛ minnu dafɛ.