Isikiyɛli 39:28 - ALLALA KUMƐ

²⁸ Nde le ya anu don biralɛ rɔ nun, ado nde le nara anu na tun anuta nyamanɛ rɔ. Hali mɔgɔ-den-kelen ma to kɔma. Wo bɛɛ wa kɛ tumɛ min, nna mɔgɛnu bi a lɔnna wo le ma ko anuta Mari Alla le nde la.

Isikiyɛli 39:28 ပူးပေါင်းရင်းမြစ်များ

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Isikiyɛli 34:30

Bɛɛ si a lɔn ko nde le ye Isirɛla nyamani-kumafunfannɛ la. Anu si a lɔn yati, ko nta mɔgɛ le anu denu na. Nde, anu Tigi Mari ara ban kɛ fɔla.”

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 39:22

Ka a bi wati wo ma, Isirɛla mɔgɛnu si to a lɔnna wo le ma ko anuta Mari Alla le nde la.

Isikiyɛli 39:27

N si nna mɔgɛnu nadɛn kan-tina-kelen ka anu bɔ nyamani-gbɛrɛnu tɔ anu yogenu siginɛ kan min. N bi wo dama mala le alako ka a yira sibole wonu na ko n sɛnima.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Hoseya 2:20

N si nta lanyiri latɔnbagaya ka ile Isirɛla ma n halalɛ la. I si n lɔn i Mari la.

Emɔsi 9:9

A ko a wa a fɔ tumɛ min, Isirɛla mɔgɛnu ta si maga iko nyɔɛ wa kɛ fɛrɛ rɔ nya min. A ko a si anubɛ sibolo doinu funfan anu nyɔgɔn fɛ alako a yogenu si bɔ a kɛndɛnu ya la nya min.