Isikiyɛli 39:26 - ALLALA KUMƐ

²⁶ Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Isikiyɛli 39:26 ပူးပေါင်းရင်းမြစ်များ

1 Mansɛnu 4:25

Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

Yaburi 99:8

E, mata Mari Alla, i ya ila mɔgɛnuna madiyalɛ yabi. Hali i ya anu tɔrɔ anu hakɛla ko la, i ya a yira anu na fanan ko Alla le ile la min si makotoli kɛ.

Aiseya 17:2

ado a ko Siriyanuna so-mɛsɛnu si to tonbonyɛ la tolon! A ko anu si ma ninki anubɛ sagɛnu de-nyini-tinɛnu na, ado anu gbenna fenfen ti taran.

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Isikiyɛli 15:8

Anu mara telenbɛlɛnu na n ye, woletɔ n si nyamanɛ wo ma nyamani-takolɔn la. Nde, wo Tigi Mari kan le kɛ la.”

Isikiyɛli 16:52

A fɛrɛ sa fɔ i ni dinya ita yarabiyi wo kɔrɔ. I hakɛ tenbira anutɛ la ha a manɛ iko anu ma hakɛ kɛ iko ile. I kun nayigi miliyɛ bolo bawo i sɔn ara a ma, i na-kelen-nyɔgɔ-musinu bara gbɛ feu!

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 20:27

“Woletɔ ile hadama-dan, wo Tigi Mari ye nala min fɔla i ye, i ni wo latenbi Isirɛla mɔgɛnu ma. Anu benbanu ya n nafɛya telenbɛlitayɛ le fanan na.

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 32:30

“Kantɔ-nyamani-kun-tiginu fanan bi nyɔ. Saidon kɛnu fanan bi nyɔ. Fɔlɔ nun, anuna kɛlɛ-dannu bi mɔgɛnu takilanna kɔnɔ kaka, Alla-lɔnbɛlɛ wonu kunyɛ tora kɛlɛ rɔ. Anubɛ lakira-dugurɛn-kɔrɛnu bi miliyɛ ratagamana.

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 44:13

Anu ti saraka-masɔ-wɔlɛ kɛ n ye tun. Anu ti anu gbɛrɛn fen-sɛninyanɛ ma tun, ado anu ti don Sɛnima-Sɛnima-Tinɛ rɔ tun. Bawo anu bara kisimiriya-koe minnu nadan, wo le ya a to, n bi anu tɔrɔla wo nya na.

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Maika 4:4

Mɔgɛ bɛɛ si taran yisi-kimɛ rɔ anu nyɛrɛta sɛnɛnu tɔ. Mɔgɔ-wo-mɔgɔ sa nyɔ min si wo maban. Wota Mari Sɛnbɛ-Bɛɛ-Tigi ara lanyiri kɛ kiri wo ye.