Isikiyɛli 39:23 - ALLALA KUMƐ

²³ Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Isikiyɛli 39:23 ပူးပေါင်းရင်းမြစ်များ

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Yaburi 10:1

E, Mari, nfenna i fɛ-yan? Nfenna ni ma ye tɔrɔyɛ rɔ, i si i dogon ma ma?

Yaburi 106:41

A ya anu kunyɛ don sibolo-gbɛrɛnu bolo alako anu yoge wonu ni anu mara.

Yaburi 30:7

Mari, i ye n fɛ wati min, n tagbɛlɛ iko kɔnkɛ. Kɔnɔ i ya i kan-kɔ sɔ n na wati min, n yisi tinyanta.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 59:2

Wola ko-yogomɛ le wara a ma, wobɛ wota Alla ara fara. Wo hakɛ le wara a ma, a ara a kan-kɔ sɔ wo la. Woletɔ a sa wo kan namɔɛnna tun.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Yɛrɛmaya 33:5

Hali wole, Isirɛla mɔgɛ donu bi Babilɔn kɛnu kɛlɛla kɔnɔ anu si wola bon-gba-kɔrɛnu nafa wo furinu na, ado Mari ko ale le ye wo gbesila dugi la ata fondo-bɔɛ la. A ko a ara a kan-kɔ sɔ soe kɛ la ka a tɛgɛ mɔgɛnuna karagbɛlɛyɛ ma.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Isikiyɛli 20:27

“Woletɔ ile hadama-dan, wo Tigi Mari ye nala min fɔla i ye, i ni wo latenbi Isirɛla mɔgɛnu ma. Anu benbanu ya n nafɛya telenbɛlitayɛ le fanan na.

Isikiyɛli 36:36

Wo kɔma, sibolo-gbɛrɛ minnu bi tola anuna foolɛ rɔ, wonu si a yen ko nde, anuta Mari ara tonbɔn wonu sɔ ka anuna sɛnɛnu nasɛgi anu gbɛ rɔ. Nde, anu Tigi Mari ara kɛ latɛgɛ ko n si kɛ ma, ado fɔ n ba kɛ ma, yɔ!

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Isikiyɛli 7:22

Hali sundan wonu ba n Bato-Bɔn konko-don-dɛ keri ka nyɔ latinya, n ya lata tina ma.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Tɔn-Fɔɛ-Fila-Nyɔgɛ 32:20

A ko a ti wo dɛnbɛ hali! Wole tolo-gberenu anubɛ wole mɔgɔ-murutiyanɛnu, a ni a yen wo ye nala min mala wo kɔma gbɛ!

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.