Isikiyɛli 39:17 - ALLALA KUMƐ

¹⁷ N Tigi Mari ya a fɔ n ye ko, “Ile hadama-dan, i ni konanu anubɛ firarɔ-sogenu kele alako n bara sarakɛ min bɔ anu ye, anu ni na wo dɔn-tinɛ. Wo si ma ladiya-ba la anu ye Isirɛla kɔnkɛnu tɔ. Anu si to soge dɔnna ka a yele min.

Isikiyɛli 39:17 ပူးပေါင်းရင်းမြစ်များ

Ko-Dabirɛnu 31:54

Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.

Aiseya 18:6

Anuna kɛlɛ-dannu furi si ma soge anubɛ konanu beli-fan la. Telemɛ rɔ, konanu si wonu dɔn. Samɛ rɔ, sogenu si wonu dɔn.

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 34:7

Mɔgɛnu si to buila iko ninki-feremɛ anubɛ tura-bulan si bui nya min bosoli-kɛlɛnu bolo. Anu yele si dugi wo wulen. Anu kɛɛn si nyɔ yamatogon.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Yɛrɛmaya 12:9

Nta mɔgɛnu mani de iko bibi-siyamɛ wa kɛ kona-manyɛganni kelan ma. Soge bɛɛ kun ni dɛn. Anu ni na anu kasayogoya-dɔn kɛ.

Yɛrɛmaya 25:33

Wati wo, Mari ara minnu faga a fondo-bɔnɛ la, wonu furi-bolokanɛ si to belenna duninya-tonko-nanɛ bɛɛ rɔ. Mɔgɔ-wo-mɔgɔ ti anu di. Anu togonna ti taran. Anu bolokanɛ si to belenna iko ninki-nyɛ.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Isikiyɛli 29:5

Wo kɔma, n si anubɛ yɛgɛ wonu nafili wulɛ rɔ pirr! A si to sani dugu ma wo nya tasakara, ka a togonbɛlɛ to! N si a latenbi soge anubɛ konanu ma. Wonu si to a dɔnna nyɔ.

Isikiyɛli 39:16

(Ado nfan, soe fanan si taran nyɔ dala kɛlɛ-dannu tɔgɛ sɛbɛnɛ kan min.) Wo kɔma, nyamanɛ wo si sɛninya tun.”

Isikiyɛli 39:4

Ale Mansa Kɔgi anubɛ ala kɛlɛ-dannu anubɛ a dɛnbɛnɛnu si faga Isirɛla kɔnkɛ wonu tɔ. N si a ma, anu suyi wonu ni ma soge anubɛ konanu beli-fan la.

Sɛfanaya 1:7

Marila kiti-tɛgɛ-tele ara gbɛrɛn ma ma wona, woletɔ mɔgɛ bɛɛ ni a sigi-a-la Mari ye don! Mari ara a rabɛn ka male ata mɔgɛnu ma sarakɛ la. A ara ma yogenu kele ma kan ma alako wonu ni na ma bolo-fannu bi ma bolo Yuda nyamanɛ rɔ.

Matiyu 24:28

“Suyi taranta kan min, dogɛnu si anu nadɛn nyɔ le.

1 Samuwɛli 16:3

I wa ke nyɔ tumɛ min, i ni Yɛsi kele ila saraka-bɔɛ kuma. Ile si min ma nyɔ, nde si wo fɔ i ye. N ba mɔgɛ min yira i la nyɔ, ile si wo dantɛgɛ ka a ma mansɛ la.”

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.