Isikiyɛli 39:11 - ALLALA KUMƐ

¹¹ Mari ya a fɔ n ye ko, “Kɛ bɛɛ wa ma tumɛ min, n si kan-tinɛ do di Mansa Kɔginu ma Isirɛla nyamanɛ rɔ, anu si a togon kan min. Anu togon tinɛ wo ye Tagamanɛnuna lɛɛ rɔ min bi Dalɛ Faganɛ tele-bɔɛ wara la. Mansa Kɔgi anubɛ ala kɛlɛ-dannu wa togon nyɔ tumɛ min, anu si lɛɛ wo kele ko, ‘Kɔgila-Kɛlɛ-Dannuna Lɛɛ.’

Isikiyɛli 39:11 ပူးပေါင်းရင်းမြစ်များ

Bɔ-Koe-Iyipiti 8:14

Iyipiti kɛnu ya turukɔɔkɔ suyi wonu nadɛn belenna. Wonu tuli sumɛ ratiira anu kun na pu!

Isikiyɛli 38:2

“Ile hadama-dan, i ni Mansa Kɔgi makuma min bi Tubalinu anubɛ Misɛki sigisɔnnu kun na Megogi nyamanɛ rɔ.

Isikiyɛli 39:10

Anuna ko ti taran sɔgɔ-nyini-ko rɔ tun ka a tɛgɛ kɛlɛ-miran-nadɛnnɛ wonu ma. Minnu nara wo bolo-fannu bi tinɛ wo bolo, wole fanan si wonu bolo-fannu bi anu bolo. Nde, wo Tigi Mari kan le kɛ la.”

Isikiyɛli 39:12

Karɛ wɔrɔnfila dɛgɛdɛgɛ, Isirɛla mɔgɛnu bi furu-togɔn la alako nyamanɛ si sɛninya nya min.

Isikiyɛli 39:15

Wonu bi yigi-ni-yɛlɛ min na nyamanɛ wo rɔ, anu ba hadama-den-kole taran kan-bo-kan, anu si anu tamasere sa kole wo dafɛ alako kanba-sinnɛnu ba na anu nabɔ wo ma, anu ni ta a togon Kɔgila-Kɛlɛ-Dannuna Lɛɛ wo rɔ.

Isikiyɛli 47:18

“Kan-tinɛ do rɔ Damasika soe anubɛ Hɔran sigisɔn tɛma, dan min bi tele-bɔɛ wara la, wo le yigira a ma ka na a labila Yorodan bɛ ma. Isirɛla nyamanɛ ye bɛ tele-yigi wara la le. Kaliyadi nyamanɛ fanan bi bɛ tele-bɔɛ wara la ha ka ke Tama soe ma Dalɛ Faganɛ kɔma.

Yilan-Yilan Koe 11:34

Woletɔ anu ya dinkirɛ wo tɔgɔ sa “Ko-Latenbi-Kaburu-Soe.” Anu ya mɔgɔ siyaman togon nyɔ minnu bi nyinina sogo siyaman ma, wasabɛlɛ wonu, kɔni!

Yilan-Yilan Koe 34:11

ka ta Sifam soe ma ka ta ha Ribila soe ma min bi Eyin soe tele-bɔɛ wara la. Wo le tara fanan ha Kalili dalɛ ma ka a labila

Luka 5:1

Wati do rɔ, Yisa sɔnɛ Kɛnɛsarɛti dalɛ dala. Mɔgɛnu ya anu gbɛrɛn a ma alako anu ni Allala kumɛ lamɔɛn.

Yɔni 6:1

Wo kɔma, Yisa tenbira Kalili dala-belebele-wɛ kɔma. (Dalɛ wo tɔgɛ fanan Taibiriya.)