Isikiyɛli 39:10 - ALLALA KUMƐ

¹⁰ Anuna ko ti taran sɔgɔ-nyini-ko rɔ tun ka a tɛgɛ kɛlɛ-miran-nadɛnnɛ wonu ma. Minnu nara wo bolo-fannu bi tinɛ wo bolo, wole fanan si wonu bolo-fannu bi anu bolo. Nde, wo Tigi Mari kan le kɛ la.”

Isikiyɛli 39:10 ပူးပေါင်းရင်းမြစ်များ

Bɔ-Koe-Iyipiti 12:36

Mari ya a ma, Iyipiti mɔgɛnu ya Isirɛla mɔgɛnu gbiliya. Woletɔ Isirɛla mɔgɛnu ya fen minnu matara Iyipiti mɔgɛnu ma, anu ya wonu di anu ma. Anu ya Iyipiti kɛnu bolo-kolonya feufeu!

Bɔ-Koe-Iyipiti 3:22

Isirɛla musinu si ta anu sigi-nyɔgɛ Iyipiti musinu matara fen-kolomɛnu anubɛ fɛrɛya-bɔɛnu ma hali Iyipiti musi minnu siginɛ anu ma anuna bɔnnu na. Anu bi fɛrɛya-bɔɛ wonu don anuna dannu kan na. Anu bi Iyipiti kɛnu bolo kolonyala wo nya na le.”

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Isikiyɛli 39:11

Mari ya a fɔ n ye ko, “Kɛ bɛɛ wa ma tumɛ min, n si kan-tinɛ do di Mansa Kɔginu ma Isirɛla nyamanɛ rɔ, anu si a togon kan min. Anu togon tinɛ wo ye Tagamanɛnuna lɛɛ rɔ min bi Dalɛ Faganɛ tele-bɔɛ wara la. Mansa Kɔgi anubɛ ala kɛlɛ-dannu wa togon nyɔ tumɛ min, anu si lɛɛ wo kele ko, ‘Kɔgila-Kɛlɛ-Dannuna Lɛɛ.’

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Habakuku 2:8

Wo ara mɔgɔ-siyaman bolo-fan bi anu bolo. Kɔnɔ minnu tora anu niyi la, wonu fanan si anu tayili sara wo la. Wo bɛɛ ye mala ka a tɛgɛ wola mɔgɔ-fagɛ anubɛ wola wunduyogoyɛla ko la, wo ya min sigi dugu-kole anubɛ ata soenu ma.

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Sakaraya 14:14

Yuda kɛnu si Yerusalɛm kɛnuna kɛlɛ kɛ. Sibolo-gbɛrɛnu bi nala fan minnu na anu bolo Yerusalɛm kɛlɛ tinɛ, Yuda kɛnu si wonu toronde wonu na ka ta a la, a sɛnɛ wo, a wodi-gbɛ wo, a fɛrɛya-bɔ wo.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.