Isikiyɛli 38:5 - ALLALA KUMƐ

⁵ Pasiya kɛnu wo, Sudan kɛnu wo, Libiya kɛnu wo, wonu dama sɔnɛ a fɛ. Kɛlɛ-kɛ-fulɛ anubɛ nɛgɛ-walan ye anu dama bolo.

Isikiyɛli 38:5 ပူးပေါင်းရင်းမြစ်များ

Ko-Dabirɛnu 10:6

Nowala den Hama ya den-kei mɔgɔ nani sɔrɔn, Kusi wo, Misiram min tɔgɛ fanan Iyipiti wo, Put min tɔgɛ fanan Libiya wo, anubɛ Kenan.

Ko-Dabirɛnu 10:8

Hamala den Kusi wo kebila-mɔgɛ do le Nimirɔdi la. Ale le fɔlɔn mara kɛlɛ-kurugbɛ la duninya rɔ.

1 Ko-Kɔrɔta-Karan 1:8

Nowala den Hama ya den-kei mɔgɔ nani sɔrɔn, Kusi wo, Iyipiti min tɔgɛ fanan Misiram wo, Libiya min tɔgɛ fanan Put wo, anubɛ Kenan.

2 Ko-Kɔrɔta-Karan 36:20

Minnu tora anu niyi la, anu tara wonu na Babilɔn nyamanɛ rɔ. Wonu kunyɛ ma bɔ yɔɔnyɛ rɔ ha Babilɔn kɛnu mamanɛnu sɔrɔnta. Wo wati le tɔ, Pasiya kɛnu nara Babilɔn nyamanɛ bi.

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Isikiyɛli 27:10

“Taya kɛlɛ-dannu bɔra nyamani-kurɔn kɛnu denu tɔ, Pasiya wo, Ludi wo, anubɛ Libiya. Anu ya anuna nɛgɛ-walannu anubɛ anuna nɛgɛ-fulɛnu dun Taya kɛnuna kɛlɛ dagɛ rɔ, ado anu denu denu ya wo tɔgɛ lawanka.

Isikiyɛli 30:4

Kɛlɛ si taran Iyipiti nyamanɛ rɔ. Gbɛlɛyɛ si taran Sudan nyamanɛ rɔ. Mɔgɔ-siyaman si faga Iyipiti nyamanɛ rɔ. Anu si nyamanɛ wo rakolonya ka a kasaranɛ to.

Isikiyɛli 30:5

“N ya kɛlɛ-dan minnu masan Sudan, Libiya, Lidiya, Arebiya, anubɛ Kubi nyamanɛnu tɔ, kɛlɛ wo si wonu faga. Hali n nyɛrɛta mɔgɛ donu si taran mɔgɔ-faganɛ wonu tɛma.

Daniyɛli 8:20

“I ya saga-yigi minnubɛ a kere filɛ yen wo la, wo tamasere le Midiya mansɛ anubɛ Pasiya mansɛ wara-koe la.

Nehami 3:9

Tibisi soe kɛ, Sudan nyamanɛ tora ale le kɔrɔ. Iyipiti mumɛ fanan tora ale le kɔrɔ. Ata sɛnbɛ-dan ma taran. Anubɛ Puti kɛnu anubɛ Libiya kɛnu tora ko-kelen tɔ.