Isikiyɛli 38:19 - ALLALA KUMƐ

¹⁹ A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Isikiyɛli 38:19 ပူးပေါင်းရင်းမြစ်များ

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 18:8

A fonde bɔnɛ min kɛ, a mara iko ta-sisi ye bɔla a sunyɛ rɔ. A mara fanan iko ta-wɔlɔn le a karɛ rɔ. Wo damasi mara bawo a fonde bɔnɛ.

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Aiseya 42:13

Mari si ta kɛlɛ-kɛ-tinɛ iko kɛlɛ-kurugbɛ! A rabɛnnɛ kɛlɛ-kan ma, ado kɛlɛ-sɔgɛ ye a la fanan. A ye tala mankan tugula a yogenu ma. A si ata sɛnbɛ yira a yogenu na.

Aiseya 42:15

A si kɔnkɛnu anubɛ gburukulinu tii mɛmɛ! A si binyɛ anubɛ kɔlɔmanu gbala. A si ba-lɛɛ anubɛ bɛnu ma gberende la! Yi-kundi minnu siginɛ a rɔ, a si wonu gbala todo!

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Isikiyɛli 36:6

“Woletɔ i ni wɔlɔyiya-kumɛ fɔ Isirɛla nyamanɛ ye. A kɔnkɔ wo, a gburukulu wo, a folo wo, a lɛɛ wo, nde, anu Tigi Mari ye min fɔla anu ye keliyɛ anubɛ yisi-bɔɛ la, wo fɔ anu ye. N bi wo fɔla le ka a tɛgɛ sibolo-gbɛrɛnu bara Isirɛla lafɛya nya min ka anu namiliya.

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Isikiyɛli 39:6

Mɔgɛ minnu nafɛrɛnɛ siginɛ Megogi nyamanɛ anubɛ kɔgɔ-yi-dafɛ-nyamanɛnu na, fenfen sa anu mabanna nun. N si tɛ tugu nyɔ la. Wo wa ma tumɛ min, bɛɛ si a lɔn ko nde le Mari la.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Sakaraya 1:14

Wo kɔma, Mari ya min fɔ, melika wo ko n ni wo rakaran wole, Isirɛla mɔgɛnu ye. A ko keninteya-belebele ye a bolo ata so-yabɔnɛ Yerusalɛmna ko la.

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Hiburunu 12:26

A kuman-kan ya dugu-kole layɛrɛyɛrɛn wo wati rɔ kɔnɔ kaka, a ara lanyiri kiri ko, “N si dugi layɛrɛyɛrɛn iko kelen tun, yɔ! Dugu-kole dɔrɔn ma de, fɔ san-kole fanan.”

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 16:18

Bandɛ ya a nyin masɔgɔ. A tugura. San serenta. Dugu-yɛrɛyɛrɛn-ba kɛra min yogo dugu-yɛrɛyɛran bɛɛ ko! Kebi mɔgɔ danta, wo nyɔgɔn dugu-yɛrɛyɛrɛn ma kɛ bɛ mumɛ!

Lankɛnimayɛ 16:20

Dugu-yɛrɛyɛran ya a ma, yi-tɛma-dugi bɛɛ tununta yen! Kɔnkɛ bɛɛ tununta fanan yen!