Isikiyɛli 38:15 - ALLALA KUMƐ

¹⁵ ka bɔ a warɛ kan tɔ pon! A ko ale Mansa Kɔgila kɛlɛ-den-siyaman tɔnkɔnyɔ si na ka bɔ sibolo-siyamɛnu tɔ, bɛɛ siginɛ anuna soeenu na.

Isikiyɛli 38:15 ပူးပေါင်းရင်းမြစ်များ

Isikiyɛli 32:30

“Kantɔ-nyamani-kun-tiginu fanan bi nyɔ. Saidon kɛnu fanan bi nyɔ. Fɔlɔ nun, anuna kɛlɛ-dannu bi mɔgɛnu takilanna kɔnɔ kaka, Alla-lɔnbɛlɛ wonu kunyɛ tora kɛlɛ rɔ. Anubɛ lakira-dugurɛn-kɔrɛnu bi miliyɛ ratagamana.

Isikiyɛli 38:4

Mansɛ wola so-laburilɛ minnu makirinɛ wo, ala soeenu wo, wonu siya duk! Nɛgɛ-walan anubɛ faan ye ala kɛlɛ-dan wo bɛɛ bolo tɔ. N si ale mansɛ anubɛ ala kɛlɛ-dannu nabɔ anuna nyamanɛ rɔ. N si a kunyɛ bɔ a wara la ka lunyɛ bila a gbagasa-kole rɔ.

Isikiyɛli 38:6

Sibolo-gbɛrɛ-siyaman si kofu Koma kɛnu anubɛ Bɛti-Togarama kɛnu ma ka bɔ kantɔ-wara la pan! Wonu dama sɔnɛ a fɛ kɛlɛ rɔ anubɛ mɔgɔ-siyaman ka bɔ kantɔ-wara la pon!

Isikiyɛli 39:2

N si a kunyɛ bɔ kantɔ-wara la ka na a la Isirɛla kɔnkɔ-nyamanɛ rɔ.

Daniyɛli 11:40

“Siriya mansɛ siyi-ban-wati wa gbɛrɛn, Iyipiti mansɛ si na a kɛlɛ. Siriya mansɛ wo si kɛlɛ kɛ a sɛnbɛ bɛɛ la. A si kirindinu anubɛ soeenu anubɛ kulun-belebelenu bi kɛlɛ wola ko la. Ale mansɛ si ala kɛlɛ-den-siyamɛnu tatii nyamani-siyaman kun na.

Yowɛli 3:11

Wole sibole minnu bi Yuda nyamanɛla foolɛ rɔ, wo ni wo latiriya nala ka wo kun bɛn lɛɛ rɔ.” E, Mari, ila kɛlɛ-dannu nayigi anu kan ma.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 20:8

Sibole minnu nyɛnsɛnnɛ duninya kan bɛɛ rɔ, a si ta ka wonu yanfa, Kɔgi anubɛ Megogi nyamanɛnu, kɔni. Setanɛ si na wonu dama la ka anu nadɛn kɛlɛ-kɛ-koe la. Anu siya iko kɔgɔ-yi-kɛnkɛn siya nya min.