Isikiyɛli 38:12 - ALLALA KUMƐ

¹² A ko mansɛ wo si tugu anu na ka anu bolo-fan bɛɛ bi. Anu bi tugula minnu na wo la, wonuna soenu bi tonbonyɛ le la nun. Anu bɔra sibolo-gbɛrɛnu denu tɛma nun kɔnɔ kaka, kolo-fan anubɛ fen-siyaman bi anu bolo duk! Anu siginɛ duninya mumɛ kila-tangbɛ rɔ.

Isikiyɛli 38:12 ပူးပေါင်းရင်းမြစ်များ

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Yɛrɛmaya 30:16

Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Isikiyɛli 29:19

Nde, i Tigi Mari ye nala min fɔla, wo le kɛ la ko n bi nala Iyipiti nyamanɛ latenbila Mansa Nɛbukanasa ma. A wa bui nyɔ ma, a si fen-kolomɛ bɛɛ bi ka wonu ma ala kɛlɛ-dannu sarɛ la.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Emɔsi 1:8

A ko a si Filisitinu anubɛ anuna kun-tiginu halaki anuna so-karantannu tɔ, Asadadi anubɛ Asikalɔn, kɔni. A ko a si Ɛkirɔn-soe-mɔgɛnu tɔrɔ ka Filisitinu nato dogbe!” Taya Kɛnu

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Sakaraya 1:17

Mari Sɛnbɛ-Bɛɛ-Tigi ko ala soenu si sabati tun. A ko a si wole Yerusalɛm kɛnu dɛnbɛ ka wola soe wo ma a halalɛ la tun. Kere Nani Yen-Koe

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Kɛlɛ-Kurugbɛnu 9:37

Keyali ya a fɔ tun ko, “I yɛ lata. Donu bi yigila nala ma magbenna kɔnkɛ la. Donu fanan bi nala ka bɔ bolo-tafɛlɛnnɛnuna kɔlɔma-kuru wara la.”