Isikiyɛli 38:10 - ALLALA KUMƐ

¹⁰ N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Isikiyɛli 38:10 ပူးပေါင်းရင်းမြစ်များ

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Hɛnkilimaya-Kumɛnu 12:2

Mari diyana-mɔgɛ le mɔgɔ-nyimɛ la kɔnɔ a si yanfante tɔrɔ.

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Hɛnkilimaya-Kumɛnu 6:14

kɔnɔ anu miri bɛnnɛ ko-yogomɛ le ma tuma-wo-tuma. Anu bi kɛlɛ tɛgɛla kan tinɛ bɛɛ rɔ.

Aiseya 10:7

Mari ko karagbɛlɛyɛ rabɛnnɛ Asiriya mansɛ nyɛrɛ bolo sibolo-gbɛrɛnu kan ma. A ara a wakila ka anu siyaman kasara.

Isikiyɛli 11:5

Marita Sɛnbɛ donta nde, Isikiyɛli rɔ. A ko n ni ata kilayɛ kɛ latenbi wole, Isirɛla mɔgɛnu ma ko a ya wo da le lɔn, ado a ya wo kɔntɔ-koenu fanan lɔn.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maraka 7:21

Miriya-yogomɛ minnu si mɔgɔ don kisimiriya-koe rɔ, wo le kankanyɛ wo, mɔgɔ-fagɛ wo, yɛlɛnyɛ wo, nata-yogomɛ wo, ko-yogoma-su bɛɛ wo, yanfɛ wo, ko-kɔsɔnɛ wo, keliyɛ wo, mɔgɔ-rafɔɛ wo, wasinteyɛ wo, anubɛ kalokalonteyɛ. Wonu denu si bɔ mɔgɔ yisi rɔ.

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

Kɛwɔlɛnu 8:22

I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.