Isikiyɛli 37:22 - ALLALA KUMƐ

²² N si anu filɛ ma sibolo kelen na Isirɛla kɔnkɔ-nyamanɛ rɔ. Mansa kelen pe si taran anu kun na. Anu ti ma sibolo fila la tun. Anu ti to nyamani-filayɛ la tun.

Isikiyɛli 37:22 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 72:1

E, Alla, mansɛ karan alako a kana lafisayalɛ kɛ kiti tɛgɛ tinɛ. I ni ita telenbagayɛ di a ma.

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 50:4

Mari ko wo wati wa na tumɛ min, a Isirɛla ka wo, a Yuda ka wo, bɛɛ si sɛgi ale anuta Mari Alla ma diyi la anu bolo.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Isikiyɛli 17:22

“Nde, wo Tigi Mari kan le kɛ la ko n si sida-kɔlɔma-layan-bɛ-sore keri a la. N ni ta wo ki kɔnkɔ-layan-bɛ do kuma,

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 36:10

N si a ma fanan, anu ni siyaya tun. Anu si to sigini soe wonu tɔ tun, ado soe min bɛɛ ara tinya, anu si wo bɛɛ sɔ tun!

Isikiyɛli 37:17

I ni kɔlɔma wonu kun-sungban bi i bole la ka a ma iko i ye anu tugunna anu nyɔgɔn na le. I ni a filɛ bira i bolo kelan la.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Sakaraya 11:14

Wo kɔma, saga-lagbengben-kɔlɔma kelan min tɔgɛ “Kan kelan,” n ya wo fanan takeri alako ka a yira ko kan kelan min bi Yuda anubɛ Isirɛla tɛma, wo ara tɛgɛ anu nyɔgɔn na gbat!

Maraka 3:24

Ni mɔgɛnu bi anu nyɔgɔn kɛlɛla nyamani-wo-nyamani rɔ, wo nyamanɛ ti mɛ.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”