Isikiyɛli 37:12 - ALLALA KUMƐ

¹² Woletɔ nna kumɛ fɔ nta Isirɛla mɔgɛnu ye. A fɔ anu ye ko nde, anu Tigi Mari ye nala anu kanbɛnu nakala. N si anu nabɔ anu kanbɛ wonu tɔ ka anu nasɛgi Isirɛla nyamanɛ rɔ.

Isikiyɛli 37:12 ပူးပေါင်းရင်းမြစ်များ

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Aiseya 66:14

Wo wa kɛ damasi rayen wo yɛ la tumɛ min, wo si sewa dɔgɔma-ma-de! Wo si to sabatila iko binyɛ. Marita wɔli-kɛlɛnu si ata sɛnbɛ yen kɔnɔ Mari yogenu si a diminya-nya yen anu ma.

Isikiyɛli 28:25

N Tigi Mari ya a fɔ ko, “N bara Isirɛla mɔgɛ minnu tanyɛnsɛn sibolo-gbɛrɛnu tɛma, n si wonu kundɛn Isirɛla nyamanɛ rɔ tun. Wo si a ma, sibole bɛɛ ni a lɔn ko n sɛnima. Isirɛla mɔgɛnu si sigi anu halala-dugi rɔ tun n ya min di nta wɔli-kɛla Yakoba ma, kɔni.

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Isikiyɛli 37:13

N ba anu kanbɛnu naka ka anu nabɔ fɔnyɔ kɛ rɔ tumɛ min, anu si a lɔn worɔ ko Mari le nde la.

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Isikiyɛli 37:4

Wo kɔma, a ya a fɔ n ye tun ko, “Nna kumɛ fɔ kole kɛnu ye. A fɔ anu ye ko anu ni anu tole masɔ nde, Marita kumɛ la.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Hoseya 6:2

Tele fila, sawa wa tenbi tumɛ min, ma si fisaya. Wo kɔma, ma si taran ma kɛndɛ la Mari fɛ.

Yowɛli 3:5

A ko wo ara ata sɛnɛ anubɛ wodi-gbɛnu bi ka ta wonu na wola bɛsi-kɔ-tinɛnu tɔ.

Sɛfanaya 3:20

A ko wo wati ma fɛ-yan tun. Wola mɔgɛ min bɛɛsi ra ara nyɛnsɛn nun, a ko a si wo damasi kundɛn anu barɛ tun. A ko a si a ma, wo mankan ni ta wuu! A ko a si a ma, wo wara-koe ni ta yarɔ tun! Mari kan le kɛ la de!

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

1 Samuwɛli 2:6

Mari le si mɔgɛnu faga, ado ale le si niyi bila mɔgɛnu tɔ. Ale si mɔgɛnu nata lakira, ado ale fanan si anu nabɔ nyɔ.