Isikiyɛli 37:10 - ALLALA KUMƐ

¹⁰ Woletɔ n kumara fɔnyɔ ye iko Mari ya a fɔ n ye nya min. Fɔnyɔ donta anu tɔ nya min, anu donta anu niyinu nafɛyɛ rɔ ka anu nasɔ. Anu yatɛ min bi nyɔ, wo kera sɛra-wɛ la.

Isikiyɛli 37:10 ပူးပေါင်းရင်းမြစ်များ

Yaburi 104:30

I wa i niyi bila anuna dannu tɔ tumɛ min, wonu si ma nima-fannu na. Wo le ya a to, i ye ni-kurɛ dila duninya ma.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Yɛrɛmaya 33:22

A ko a si Mansa Dawuda bɔnsɔn anubɛ Lifayi bɔnsɔnnu nasiyaya duk! Ni mɔgɛ si ke lole anubɛ kɛnkɛn danna, nba mani, mɔgɛ si ke anu bɔnsɔnnu danna.

Isikiyɛli 12:7

N ya a ma iko Mari ya a fɔ n ye nya min. Wulɔn-tele nyɛrɛ rɔ, n ya nna dunɛnu mabɛn iko kɛlɛ-kɔrɔ-maburilɛ. Yanni a la ni fin, n ya woe labɔ nna bon-dandan ma n bole la. N bɔra nyɔ. N ke luyi ma, n ya nna dunɛ dun n kɛɛ la bɛɛ yala. N tara n ye.

Isikiyɛli 37:5

Nde, anu Tigi Mari ko n si anu niyi bila anu tɔ ka anu ma kɛndɛwagɛnu na.

Lankɛnimayɛ 11:11

Tele sawa ani a talɛ banta tumɛ min, Alla ya anu niyi lasɛgi anu tɔ. Anu ya anu nasɔ. Min bɛɛ ya wo yen, wonu kilanta kati!