Isikiyɛli 37:1 - ALLALA KUMƐ

¹ Marita Sɛnbɛ yigira n kuma tumɛ min, wo ya n bi ka ta n sɔ lɛɛ do tɛma min kuma fanɛ hadama-den-kole la.

Isikiyɛli 37:1 ပူးပေါင်းရင်းမြစ်များ

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

2 Mansɛnu 2:16

Anu ko, “Mɔgɔ bi-lolɛ kɛndɛ ye ma fɛ yan. Ma ye a fɛ, anu ni ta i karan-mɔgɔ nyini. Tumado, Marita sɛnbɛ ara ta a to kɔnkɛ do kuma, ni wo ma, lɛɛ do rɔ.” Nɛbi Ilaisa ya a fɔ anu ye ko, “Wo kana anu nata.”

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Yɛrɛmaya 7:2

A ko n ni sɔ Mari Bato-Bɔn don-dɛ la. N ni kawandili kɛ bɔ nyɔ rɔ. Wole Yuda mɔgɛnu, wo ni wo tole masɔ Mari kuman-kan la. Wole minnu bi tenbila don-dɛ kɛ la ka na Mari bato-tinɛ, wo ni wo tole masɔ.

Yɛrɛmaya 7:32

Woletɔ wo ni a ma wo fɛrɛma de! Mari ko wati ye nala, mɔgɔ ti kan-tinɛ kɛ kele tun ko Tofɛti. Anu ti a kele fanan tun ko Bɛn-Hinɔm lɛɛ. Anu si a kele ko, “Mɔgɛ-Faga-Lɛɛ.” Anu si furi togon Tofɛti furr, hali kin-sɔ-tina ti sɔrɔn tun kanbɛ bolo.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Isikiyɛli 3:22

N ya Marita Sɛnbɛ sɔrɔn tun. A ya a fɔ n ye ko, “I lasɔ. I ni ta lɛɛ rɔ. N si kuma i ye nyɔ.”

Isikiyɛli 33:22

A nara tele min banda kɛ wurɛ la, n ya a lɔn yati, ko Marita Sɛnbɛ donta n tɔ wulɔn. Kei wo nanɛ wo banda kɛ, Mari ya a ma, n kɛra kumala tun.

Isikiyɛli 37:2

A tara n na lɛɛ wo kan-tinɛ bɛɛ rɔ. N ya kolo-gbalanɛnu yen duk!

Isikiyɛli 40:1

Mala birɛ san mogan loli nyɔgɛ, wo karɛ fɔlɛ, a tele tan ma, Marita Sɛnbɛ-wɛ yigira n kuma. Wo ya a taran, Yerusalɛm ara san tan-ni-nani bɔ ma yogenu bolo. Marita Sɛnbɛ tara n na

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Luka 4:1

Yisa sɛgira ka bɔ Yorodan bɛ fɛ, a fanɛ Allata Ni-Sɛnimɛ la. Wo kɔma, Allata Ni-Sɛnimɛ tara a la wulɛ rɔ.

Kɛwɔlɛnu 8:39

Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.