Isikiyɛli 36:4 - ALLALA KUMƐ

⁴ Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Isikiyɛli 36:4 ပူးပေါင်းရင်းမြစ်များ

Yaburi 79:4

Sibolo-gbɛrɛ minnu bi mala foolɛ rɔ, wonu bi ma mɔɛnna. Anu bi yɛlɛnna ma ma ka ma manyini.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Isikiyɛli 34:28

Sibole minnu ma nde, Alla lɔn, wonu ti anu kankan wo rɔ tun, ado sogo-nyɛɛnɛnu ti anu faga tun ka anu dɔn. Anu si to lafɛrɛ rɔ. Mɔgɔ-wo-mɔgɔ ti anu kumakɔ.

Isikiyɛli 34:8

Nde, Mari min bi n niyi la, n bara n keli n nyɛrɛ rɔ ko fɔ anu ni anu tole masɔ le serr! Sogo-feremɛnu bara nna sagɛnu dɔn bawo anu fɛ-birala sa. Nna saga-fɛ-biralɛnu ma anu nyɛrɛ tɔrɔ sagɛnu nyinina lefan! Anu bi anu nyɛrɛ le dɔrɔn fɛ-birala, sagɛnu ma de!

Isikiyɛli 36:1

Mari ko, “Ile hadama-dan, kuma Isirɛla kɔnkɛnu ye. A fɔ anu ye ko anu ni anu tole masɔ nde,

Isikiyɛli 36:6

“Woletɔ i ni wɔlɔyiya-kumɛ fɔ Isirɛla nyamanɛ ye. A kɔnkɔ wo, a gburukulu wo, a folo wo, a lɛɛ wo, nde, anu Tigi Mari ye min fɔla anu ye keliyɛ anubɛ yisi-bɔɛ la, wo fɔ anu ye. N bi wo fɔla le ka a tɛgɛ sibolo-gbɛrɛnu bara Isirɛla lafɛya nya min ka anu namiliya.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Isikiyɛli 6:3

A fɔ anu ye ko anu ni anu tole masɔ nde, Mari kuman-kan la. A kɔnkɔ-layan-ba wo, a gburukulu wo, a folo wo, a lɛɛ wo, anu ni anu tole masɔ nde, anu Tigi Mari Alla kan la. Mɔgɛnu bi bɛsɛnu kɔla kan minnu tɔ anu tɛma, n bi kɛlɛ lanala ka nyɔnu halaki.

Tɔn-Fɔɛ-Fila-Nyɔgɛ 11:11

Kɔnɔ wo ye tala kan min, wo sa iko Iyipiti nyamanɛ. Wo wa ke nyɔ, wo si kɔnkɛnu yen anubɛ folenu. Wo si a yen bandɛ ye nala nyɔ biribiri!