Isikiyɛli 36:38 - ALLALA KUMƐ

³⁸ Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Isikiyɛli 36:38 ပူးပေါင်းရင်းမြစ်များ

1 Mansɛnu 8:63

Mansa Silamɛni ya ninki waga mogan-ni-fila (22,000) anubɛ saga waga kɛmɛ kelen ani saga waga mogan (120,000) ma yisi-kima-sarakɛnu na. Mansɛ anubɛ ala nyamanita-mɔgɛnu ya sarakɛ wonu bɔ ka Bato-Bɔn wo dantɛgɛ Mari ma.

2 Ko-Kɔrɔta-Karan 7:8

Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ-tonko-nanɛ bɛɛ rɔ ka bi Hamati kɔnkɔ-gbɛran ma kantɔ-wara la ha Isirɛla anubɛ Iyipiti dan wara la, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Bɔ-Koe-Iyipiti 23:17

“Kei bɛɛsi ni ta nde, Mari Allata ladɛn sawɛ kɛnu tɔ ka nde, Mari Sɛnbɛ-Bɛɛ-Tigi bato.

Bɔ-Koe-Iyipiti 34:23

N ba ban sibolo-gbɛrɛnu gbenna wo yarɔ ka wola nyamanɛ lakoloya tumɛ min, kei bɛɛsi ni ta n bato tinɛ san-bo-san iko sawa. Wo tenbi ladɛn wonu tɔ tumɛ min, wo hɛnkili la ni tɛgɛ ko nde, Alla si a ma, wo yogenu ti wola nyamanɛ bi wo bolo wo kɔma kilɛ la.

Yɛrɛmaya 23:1

Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 36:37

“Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.

Isikiyɛli 46:9

“Mɔgɛnu ba na Mari bato-tinɛ ladiya-wo-ladiya rɔ, minnu ba don kantɔ-tenbi-bolɔn la, wonu si bɔ dugula-tenbi-bolɔn la. Minnu ba don dugula-tenbi-bolɔn la, anu ba ban batoli kɛla, wonu si bɔ kantɔ-tenbi-bolɔn le la. Mɔgɔ-wo-mɔgɔ ti bɔ a gbere fɛ a donta kan min.

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Yɔni 10:7

Wo le ya a ma, Yisa ya a fɔ anu ye tun ko, “N bi tonyɛ fɔla wo ye, saga-kulɛla don-dɛ le nde la.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

Yɔni 2:14

A ya mɔgɛnu taran ninkinu anubɛ sagɛnu anubɛ kangbɔɛnu ferela Alla-Bato-Bɔn la. Wodi-felennɛnu fanan siginɛ anuna tebulunu dafɛ.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn