Isikiyɛli 36:37 - ALLALA KUMƐ

³⁷ “Nde, i Tigi Mari si sɔn Isirɛla mɔgɛnu ni n madiya tun. N si a ma, anu ni to siyayala iko saga wɔrɛ.

Isikiyɛli 36:37 ပူးပေါင်းရင်းမြစ်များ

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 102:17

Ale ara a ban mɔgɛ minnu na nun, a si a wɔlɔ matɔlɔ wonuna madiyali-kɛ-kan la.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Isikiyɛli 20:3

“Ile hadama-dan, ninko anu bara na n sako-lɔn-tinɛ, nyɛ? Nde, Alla ara n keli n nyɛrɛ rɔ ko n ti sɔn anu ni n manyinika fenfen na. Nde, wo Tigi Mari le wara kɛ fɔ.

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 36:36

Wo kɔma, sibolo-gbɛrɛ minnu bi tola anuna foolɛ rɔ, wonu si a yen ko nde, anuta Mari ara tonbɔn wonu sɔ ka anuna sɛnɛnu nasɛgi anu gbɛ rɔ. Nde, anu Tigi Mari ara kɛ latɛgɛ ko n si kɛ ma, ado fɔ n ba kɛ ma, yɔ!

Isikiyɛli 36:38

Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Daniyɛli 2:18

A ya a fɔ ko anu ni to Arinyɛnɛ-Tigi Alla matarala alako a ni kinikini anu ma ka ko-dogonnɛ kɛ kɔrɛ lɔn min si a ma, anu denu ti kofu hɛnkilimɛnu ma faga tinɛ.

Maika 2:12

“Mɔgɔ-toe minnu tora Isirɛla nyamanɛ rɔ, Mari ko a si wonu kundɛn iko sagɛ minnu bi donna kulɛ rɔ. Wola nyamanɛ kɛ si fa mɔgɛnu na tun iko sagɛnu si saga de-nyini-tinɛ lafa nya min.”

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Sakaraya 10:9

A ko hali ale ara a ma, anu ta ara nyɛnsɛn sibolo-gbɛrɛnu tɛma, hali anu bi wula-yan wonu na, anu si anu miri ale ma. A ko anubɛ anuna dannu si to anu niyi la ha anu ni anu kɔ sɛgi anu nyɔgɔn fɛ.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Tɔn-Fɔɛ-Fila-Nyɔgɛ 30:5

A si a ma, wo kegeyɛnu ni anu sigi anu benbanuna tonbon-kɔrɛ rɔ. Wota Mari si a ma, wo ya wo bole don ko-wo-ko rɔ, wo si wo munanfaga ka tenbi wo benbanu na, ado wo si yiri boi, ka tenbi wo benbanu na.

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

1 Yɔni 5:14

Wo le ya a to, yisi-latɛgɛ ye ma bolo Alla yala ko ni ma ya a matara fenfenna ko la, ale sako ye min na, a si ma kan lamɔɛn,