Isikiyɛli 36:27 - ALLALA KUMƐ

²⁷ N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 36:27 ပူးပေါင်းရင်းမြစ်များ

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Hɛnkilimaya-Kumɛnu 1:23

N tenbi wo makumala, wo ni wo tole masɔ n na. N bi nyɔ ka wo dɛnbɛ ka hɛnkili di wo ma. N bi wo makawandi-nyimɛ-kɛla alako wo ni ko-siyaman nya-yen n bolo.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 37:14

N si nna niyi don anu tɔ alako anu ni beli tun. Wo kɔma, n si a ma, anu ni ta sigi anuta nyamanɛ rɔ tun. Anu si a lɔn wo le ma ko Mari le nde la. Nta lanyiri le kɛ la, ado fɔ n ba a ma. Nde, Mari ara ban a fɔla.”

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Isikiyɛli 43:11

Wo kɔma, ni anu miliyara ka a tɛgɛ anu sɔn-yogomɛnuna ko ma, Bato-Bɔn kɛ wara-koe fɛsɛfɛsɛ anu ye a kila-bɛrɛbɛrɛ fɛ. A bɔn-sɔ-nya wo, a don-dɛ-ladan-nya wo, a bɔ-dɛ ladan-nya wo, a mabɛn-nya wo, a ko-nya mumɛ bɛɛ wo, a sereya anubɛ a bira-nya wo, i ni wo bɛɛ sɛbɛ anu ye alako anu ni a lɔn a ko-nya bɛɛ ye mala nya min. Wo kɔma, anu ni a lɔn fanan anu si a tɔnnu bira nya min.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Luka 11:13

Hali wole min sɔn yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen di wo ma min tenbira wo la, wa? Minnu bi a tarala, ale le sa Allata Ni-Sɛnimɛ dila wonu ma, wa?”

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

Kalesiya 5:16

N bi min ma, wo le kɛ la. Ni wo bilara Allata Ni-Sɛnimɛ fɛ, wo ti wo fɛrɛ-bɔnkɛ diyana-koenu kɛ worɔ.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Tɔn-Fɔɛ-Fila-Nyɔgɛ 30:8

N bara wota Mari Allata kumɛ minnu di wo ma bi, wo si to wonu birala.

Kɔlɔsi 2:6

Nba, wo ara sɔn Yisa Kirasiti la min kɛ, ko a ni ma wo Mari la, wo ni to ala kumɛ birala wo nya.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Yɔni 3:24

Min ba Allala tɔnnu bira, wo ye Alla le tɔ. Alla ye ale fanan tɔ. Nba, ma ya a lɔn kɛ le fɛ ko Alla ye male rɔ. Ma ya wo lɔn bawo a ara ata Ni-Sɛnimɛ di ma ma nun.

2 Yɔni 1:6

N bi keninteyɛ min ma wo la, wo kɔrɛ le ko ma ni to Allala tɔnnu birala. Tɔn wo ko wo dama ni to keninteyɛ rɔ tɛban, iko wo ya a lamɔɛn nya min fɔlɔ-nun!