Isikiyɛli 36:19 - ALLALA KUMƐ

¹⁹ N ya anutɛ bɔ tɔn rɔ ka a tɛgɛ anu kɛ-nya-yogomɛnu ma woletɔ n ya anu tanyɛnsɛn nyamani-gbɛrɛnu tɔ.

Isikiyɛli 36:19 ပူးပေါင်းရင်းမြစ်များ

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 22:15

N si anu tanyɛnsɛn nyamanɛ bɛɛ rɔ. N si tɔn sigi anuna wunduyogoyɛ ma.

Isikiyɛli 22:31

Woletɔ n si n yisi labɔ anu ma. N si don anu tɔ iko tɛ ka a tɛgɛ anu kɛ-nya-yogomɛnu ma. Nde, wo Tigi Mari kan le kɛ la.”

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Isikiyɛli 39:23

Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Isikiyɛli 39:24

N ya anu tɔrɔ iko a bɛnta, anu ni tɔrɔ nya min ka a tɛgɛ anuna karagbɛlɛyɛ anubɛ sɛninyabɛlɛtayɛ ma. Wo kɔma, n ya n bole bɔ anu bara-koe rɔ.”

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Saraka-Masɔlɛnuta Tɔnnu 26:38

Wo si to fagala nyamani-gbɛrɛkɛnu tɔ wo yogenu bolo. Wonu si wo ki iko bɛniki-kalɛnu.

Emɔsi 9:9

A ko a wa a fɔ tumɛ min, Isirɛla mɔgɛnu ta si maga iko nyɔɛ wa kɛ fɛrɛ rɔ nya min. A ko a si anubɛ sibolo doinu funfan anu nyɔgɔn fɛ alako a yogenu si bɔ a kɛndɛnu ya la nya min.

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.