Isikiyɛli 36:18 - ALLALA KUMƐ

¹⁸ Anu bara fagalɛ min kɛ nyamanɛ rɔ ka nyamanɛ latinya bɛsi-kɔ-koe la fanan, anu ya nna fanka dan-natenbi lɔn wo le ma.

Isikiyɛli 36:18 ပူးပေါင်းရင်းမြစ်များ

2 Ko-Kɔrɔta-Karan 34:21

“Wo ta Mari manyinika mabɛ Yuda kɛnu anubɛ Isirɛla kɛnu ye ka a tɛgɛ karan min bi buku kɛ rɔ. Mari ara diminya ma ma bawo ma fanu ma Marita kumɛ bira ka tagama iko a sɛbɛnɛ buku kɛ rɔ nya min.”

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

2 Ko-Kɔrɔta-Karan 34:26

Isirɛlata Mari Alla ya min fɔ ale Yuda mansɛla ko rɔ ko min sɛbɛnɛ ata buku rɔ, a ya a tole masɔ wo la.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Nimisa Koe 2:4

Mari ara ala kalabɛn rasagan ma kan ma iko a yoge le ma la. A ya mala mɔgɔ-hakikɛ bɛɛ faga. A ara ala diminyɛ rawuya Yerusalɛm soe ma iko tɛ.

Nimisa Koe 4:11

Mari ya ata diminyɛ bɛɛ labɔ ma kan ma. A ya tɛ tugu Yerusalɛm soe la ka a mintan gburr!

Isikiyɛli 14:19

“Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Isikiyɛli 22:20

iko mɔgɛ ye nɛgɛ-subolo-siyamɛnu nadɛnna nya min ka wonu nalee nta sulubondɔn rɔ, Yerusalɛm, kɔni. Nna diminyɛ si Isirɛla mɔgɛ wonu nalee iko tɛ si nɛgɛ lalee nya min.

Isikiyɛli 22:22

Anu si lee Yerusalɛm soe burɔ bandin, iko wodi-gbɛ si lee nya min sulubondɔn rɔ. Anu bi a lɔnna wo le ma ko nde, Mari ara kɔrɔtɔ anu ma.”

Isikiyɛli 23:37

Anu bara yɛlɛnyɛ kɛ ka mɔgɛnu faga. Anu ya yɛlɛnyɛ kɛ ka a tɛgɛ bɛsɛnu kɔ-koe ma. Anu ya anuna dannu faga ka anu ma bɛsɛ wonu beli-fan la, nta dannu, kɔni.

Isikiyɛli 33:25

“Nde, i Tigi Marita kumɛ kɛ latenbi anu ma. A fɔ anu ye ko anu bi soge anubɛ a yele dɔnna. Anu bi bɛsɛnu kɔla. Anu bi mɔgɛnu fagala. Anu miri kama worɔ ko anu halalɛ le nyamanɛ kɛ la?

Isikiyɛli 39:23

Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.